Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
ДУШАНБЕ, 05.08.2026 /АМИТ «Ховар»/. Тибқи қарори Раиси шаҳри Душанбе, аз 1 то 31 августи соли 2026 дар ҳудуди пойтахт намоишҳои фурӯши либос ва лавозимоти мактабӣ дар ҷойҳои муайяншуда гузаронида мешаванд. АМИТ «Ховар» бо истинод ба Мақомоти иҷроияи ҳокимияти давлатии ноҳияи Исмоили Сомонӣ хабар медиҳад, ки дар ноҳия чунин намоишҳо идома доранд.
Дар ин замина бо ташаббуси Мақомоти иҷроияи ҳокимияти давлатии ноҳияи Исмоили Сомонӣ дар Ҷамъияти саҳомии пӯшидаи «Маркази савдои Истиқлол» (Бозори «Меҳргон»), Ҷамъияти дорои масъулияти маҳдуди «Чеварони Лола» ва Ҷамъияти саҳомии кушодаи «Гулистони Душанбе» намоишҳои фурӯши либоси ягонаи мактабӣ ва лавозимоти хониш ба роҳ монда шудаанд.
Муовини Раиси шаҳри Душанбе Меҳриддин Тоҳирзода бо раванди ташкил ва фаъолияти нуқтаҳои фурӯш, сифати маҳсулоти истеҳсоли ватанӣ, мутобиқати либосҳои мактабӣ ба андозаҳои муқарраргардида ва нархи онҳо шинос шуд.
Баргузории чунин намоишҳо барои таъмини аҳолӣ бо либос ва лавозимоти босифати мактабӣ бо нархҳои дастрас, дастгирии истеҳсолкунандагони ватанӣ ва танзими бозори маҳсулоти мактабӣ аҳамияти муҳим дорад. Ҳамзамон ба масъулони нуқтаҳои фурӯш тавсия дода шуд, ки ба сифати маҳсулот, хизматрасонии намунавӣ, риояи талаботи беҳдошт ва нигоҳ доштани сатҳи муътадили нархҳо диққати махсус зоҳир намоянд.
АКС: Мақомоти иҷроияи ҳокимияти давлатии ноҳияи Исмоили Сомонӣ
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
