Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
ДУШАНБЕ, 28.08.2026 /АМИТ «Ховар»/. Дар Сафорати Ҷумҳурии Тоҷикистон дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» бо иштироки донишмандону муҳаққиқони Тоҷикистон, Эрон, Афғонистон ва Покистон ҳамоиши байналмилалии илмӣ баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Исломии Эрон хабар доданд.
Дар оғози ҳамоиш Сафири Фавқулода ва Мухтори Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ изҳор кард, ки 1050-солагии Робиаи Балхӣ – нахустин шоири зан дар таърихи адабиёти тоҷику форс бо ибтикори Тоҷикистон ва бо ҳидояти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба феҳристи ҷашнҳои ЮНЕСКО барои солҳои 2026-2027 ворид гардид. Давоми соли равон дар Тоҷикистон ба хотири бузургдошти Робиаи Балхӣ ҳамоишҳои зиёди илмиву фарҳангӣ баргузор ва китобу рисолаҳо доир ба рӯзгору осори ӯ ба нашр расиданд.
Сафири Тоҷикистон бузургдошти 1050 – солагии Робиаи Балхиро иқдоми навбатӣ барои амалӣ кардани барномаи бузурги эҳёи миллӣ дар заминаи таҳкими худшиносӣ ва худогоҳии таърихии тоҷикон номид. Сафир таъкид кард, ки тарроҳи ин барномаи бузурги эҳёи миллӣ Пешвои миллат муҳтарам Эмомалӣ Раҳмон ҳастанд. Қадам ба қадам амалӣ гаштани ин барномаи эҳёи миллӣ давоми 35 соли истиқлолият Тоҷикистонро ба маркази ҳифзу эҳёи арзишҳои тамаддуни ориёӣ табдил дод. Дар ин қарина 1050–солагии бузургдошти Робиаи Балхӣ, ки рӯзгор ва осораш саҳифаи нодири таърихи адабу фарҳанги ниёконамон аст, барои имрӯзу фардои ҳастии маънавии олами форсизабонон муҳим арзёбӣ мегардад.
Робиаи Балхӣ на танҳо яке аз нахустин чеҳраҳои барҷастаи шеър, балки садои мондагори муҳаббат, озодӣ ва эҳсоси инсонӣ мебошад. Шеъри ӯ бо гузашти беш аз ҳазор сол ҳамоно тоза, зинда ва таъсиргузор боқӣ мондааст.
Иштирокдорони ҳамоиш баргузории ҷашни 1050-солагии Робиаи Балхиро фурсати муносиб барои муаррифии ҳарчи бештари шахсият ва осори ӯ дар сатҳи байналмилалӣ арзёбӣ намуда, зарурати таҳқиқ, тарҷума ва нашри осори марбут ба ин чеҳраи бузурги адабиёти тоҷику форсро таъкид карданд.
АКС: Сафорати Ҷумҳурии Тоҷикистон дар Ҷумҳурии Исломии Эрон
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
Дар Душанбе таҷрибаи 35-солаи сулҳофарӣ ва сиёсати бисёрсамтаи Тоҷикистон баррасӣ шуд
Сафири Тоҷикистон дар Кувайт бо Мудири омили Ширкати ҳавопаймоии «Jazeera Airways» мулоқот намуд
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
