Дар Тоҷикистон ба як омӯзгор 18 хонанда рост меояд
ДУШАНБЕ, 08.08.2026 /АМИТ «Ховар»/. Дар Ҷумҳурии Тоҷикистон ба як омӯзгор 18 хонанда рост меояд. Дар ин хусус ба АМИТ «Ховар» аз Агентии назорат дар соҳаи маориф ва илми назди Президенти Ҷумҳурии Тоҷикистон иттилоъ доданд.
Тибқи қарори Ҳукумати Ҷумҳурии Тоҷикистон, дар як синф шумораи хонандагон набояд аз 25-30 нафар зиёд бошад.
Тавре аз Вазорати маориф ва илми Ҷумҳурии Тоҷикистон иттилоъ доданд, шумораи омӯзгорони муассисаҳои таҳсилоти миёнаи умумӣ 136 ҳазору 116 (89 ҳазору 950 зан – 66 фоиз) нафарро ташкил медиҳад. Аз шумораи умумии омӯзгорон 106 ҳазору 509 нафар (67 ҳазору 679 зан) – 78,2 фоиз дорои таҳсилоти олӣ, 6 ҳазору 732 нафар (5 ҳазору 198 зан) – 5 фисад дорои таҳсилоти олии нопурра, 22 ҳазору 525 нафар (16 ҳазору 956 зан) – 16,5 фоиз дорои таҳсилоти миёнаи касбӣ мебошанд. Дар муқоиса бо соли 2025 5384 омӯзгор зиёд мебошад.
Дар соли таҳсили 2025-2026 теъдоди муассисаҳои таҳсилоти миёнаи умумӣ 4056 адад, аз ҷумла муассисаи таҳсилоти ибтидоӣ 272 адад, муассисаи таҳсилоти умумии асосӣ 308 ва муассисаи миёнаи умумӣ 3476 ададро ташкил медиҳад, ки нисбат ба ҳамин давраи соли 2025 19 муассиса зиёд мебошад. Инчунин дар ҷумҳурӣ теъдоди муассисаҳои шакли нав 172 адад буда, 82 гимназия ва 90 литсей ба қайд гирифта шудааст, ки мутаносибан нисбат ба соли 2025 3 муассиса зиёд мебошад.
Ба иттилои Агентии назорат дар соҳаи маориф ва илм, ба ҳисоби миёна барои як муассисаи таълимӣ аз теъдоди умумии муассисаҳои таълимӣ ва теъдоди умумии хонандагон 604 хонанда рост меояд. Инчунин муасссисаҳои ҳастанд, ки теъдоди хонадагонаш якчанд ҳазор мебошад.
Агар дар соли таҳсили 2024-2025 дар муассисаҳои таҳсилоти умумии ҷумҳурӣ 2 миллиону 357 ҳазору 56 хонанда таҳсил мекард, пас, ин рақам дар соли таҳсили 2025-2026 ба 2 миллиону 462 ҳазору 7 хонанда баробар шудааст, ки нисбат ба соли таҳсили 2024-2025 дар умум 104 ҳазору 951 хонанда зиёд аст.
Имсол дар мамлакат беш аз 240 ҳазор кӯдак ба синфи якум меравад. Аз 18 то 29 август дар мамлакат давраи мутобиқшавӣ барои хонандагони синфи якум гузаронида мешавад. Давраи мутобиқшавӣ дар асоси фармоиши Вазири маориф ва илми Ҷумҳурии Тоҷикистон бо мақсади ба муҳити муассисаи таълимӣ одат кардани кӯдакон ва мусоидат ба мутобиқшавии онҳо ба таҳсил дар тамоми муассисаҳои таҳсилоти умумии мамлакат гузаронида мешавад.
АКС: АМИТ «Ховар»
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
