Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
ДУШАНБЕ, 28.08.2026. /АМИТ «Ховар»/. Нахустин маротиба дар Тоҷикистон дар Ҷамъияти дорои масъулияти маҳдуди «Парки инноватсионии саноатию технологии шаҳри Левакант» коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд. Иқтидори истеҳсолии ин коргоҳ дар як моҳ 15 тоннаро ташкил дода, ашёи хом пурра аз дохили кишвар дастрас мегардад, хабар медиҳад АМИТ «Ховар».
Пештар қисми зиёди ин гуна маҳсулот ва ашёи хом аз хориҷи мамлакат ворид карда мешуд. Минбаъд истеҳсоли он дар дохили кишвар имкон медиҳад, ки талаботи соҳаи роҳсозӣ ба маҳсулоти ватанӣ таъмин гардида, вобастагӣ аз воридот коҳиш ёбад.
Бояд гуфт, истифодаи рангҳои босифат барои аломатгузории уфуқии роҳҳо ба баланд бардоштани сатҳи бехатарии ҳаракат мусоидат мекунад. Хатҳои равшан ва ба таъсири омилҳои муҳити зист тобовар ба ронандагон ва дигар иштирокдорони ҳаракат, махсусан шабона ва дар шароити номусоиди обу ҳаво, барои дуруст муайян намудани самти ҳаракат кумак мерасонанд.
Ёдовар мешавем, ки ба фаъолияти коргоҳи мазкур 26 августи соли равон Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни сафари корӣ ба шаҳри Левакант оғоз бахшиданд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар шаш моҳи соли 2026 ҳаҷми гардиши савдо байни Тоҷикистон ва Озарбойҷон ба 10,2 миллион доллар расид
Тоҷикистон 85 фоизи аҳолиро бо маҳсулоти ғизоии ватанӣ таъмин мекунад
Аъзои ҳайати Фландрияи Подшоҳии Белгия бо фаъолияти «Шаҳри ҳушманд» шинос гардиданд
Тоҷикистон ва ЮНИСЕФ ҳамкориро дар самти рушди сармояи инсонӣ ва рақамикунонӣ густариш медиҳанд
Агентии «Тоҷикстандарт» дар шаҳри Душанбе 110 кг маҳсулоти гуногуни ҳасибии пастсифат ва ғайристандартиро ошкор намуд
Тақвияти ҳамкорӣ дар соҳаи ҳифзи муҳити зист байни Тоҷикистон ва Муғулистон баррасӣ гардид
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Содироти маҳсулоти Тоҷикистон ба Чин баррасӣ шуд
РАҚАМИКУНОНИИ СОҲАИ ОБ. Барои Тоҷикистон ин масъала аҳаммияти махсус дорад
«Барномаи рушди сайёҳии дохилии Ҷумҳурии Тоҷикистон барои солҳои 2027-2031» қабул гардид
Пешвои миллат Эмомалӣ Раҳмон дар Минтақаи озоди иқтисодии Данғара 3 корхонаи саноатиро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи истеҳсоли равғанро ифтитоҳ намуданд
