Дар вилояти Хатлон беш аз 400 иншооти дорои аҳамияти давлатӣ бунёд карда шудаанд

ДУШАНБЕ, 26.08.2026 /АМИТ «Ховар»/. Аз соли 1991 то имрӯз дар ҳудуди вилояти Хатлон сохтмон ва таҷдиди зиёда аз 450 иншооти дорои аҳамияти давлатӣ анҷом дода шудааст. Дар ин хусус ба АМИТ «Ховар» аз Агентии омори назди Президенти Ҷумҳурии Тоҷикистон иттилоъ доданд.

Дар ин замина таҷдиди шоҳроҳҳои Душанбе – Бохтар, Бохтар – Данғара, Кӯлоб – Муъминобод, Кӯлоб – Шамсиддини Шоҳин ва Кӯлоб – Зиғар анҷом дода шуд, ки Тоҷикистонро бо Ҷумҳурии Мардумии Чин, Ҳиндустон, Покистон ва Афғонистон мепайванданд. Ҳамчунин сохтмони шоҳроҳҳои Данғара – Гулистон ва Гулистон – Фархор идома дошта, онҳо дар оянда ба беҳтар гардидани робитаҳои нақлиётӣ ва рушди фаъолияти соҳибкорӣ мусоидат хоҳанд кард.

Дар бахши энергетика якчанд иншооти муҳими стратегӣ мавриди истифода қарор гирифтанд. Аз ҷумла, Фурудгоҳи шаҳри Кӯлоб, неругоҳҳои барқи обии «Сангтуда-1» ва «Сангтуда-2», инчунин нақби «Шар-Шар», таҷдиди агрегатҳои неругоҳҳои барқи обии «Норак» ва «Сарбанд».

Дар ин давра муассисаҳои муҳими иҷтимоӣ, аз ҷумла Литсейи президентӣ барои ятимон дар ноҳияи Кӯшониён, гимназия-интернат дар ноҳияи Данғара, гимназияи давлатӣ дар шаҳри Норак, Театри мусиқӣ-мазҳакавии вилояти Хатлон ва Қасри фарҳанги шаҳри Бохтар сохта, ба истифода дода шуданд. Ин иншоот барои беҳтар шудани сатҳи хизматрасонии иҷтимоӣ ва рушди маънавиёти ҷомеа замина гузоштанд.

АКС аз бойгонӣ