Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
ДУШАНБЕ, 20.08.2026 /АМИТ «Ховар»/. Вазъи кунунӣ ва дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд дар мулоқоти Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода бо директори гурӯҳи Департаменти Осиёи Марказӣ, Ғарбӣ ва Шарқӣ, Дафтари бахши рушди инсонӣ ва иҷтимоии Департаменти гурӯҳҳои соҳавии Бонки Осиёии Рушд хонум София Шакил дар Душанбе баррасӣ гардид.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки ҷонибҳо оид ба татбиқи лоиҳаҳои муштарак дар самтҳои сайёҳӣ, рушди малакаҳои рақамӣ, дипломатияи рақамӣ, рушди ифрасохтор, инчунин имконияти тавсеаи минбаъдаи ҳамкорӣ табодули афкор намуданд.
Ҳамзамон вазъи кунунии ҳамкорӣ мавриди таваҷҷуҳ қарор гирифта, саҳми Бонки Осиёии Рушд дар таҳкими инфрасохтори таълимӣ, фароҳам овардани шароити муосири омӯзиши касбӣ, баланд бардоштани малакаҳои амалии ҷавонон ва мутобиқ намудани омодасозии кадрҳо ба талаботи бозори меҳнат муҳим арзёбӣ гардид.
Убайдулло Асрорзода саҳми Бонки Осиёии Рушдро дар рушди таҳсилоти касбӣ ва омодасозии кадрҳои рақобатпазир муҳим арзёбӣ намуда, омодагии донишгоҳро барои таҳким ва тавсеаи ҳамкории минбаъда, аз ҷумла дар самтҳои рушди малакаҳои касбӣ, татбиқи технологияҳои муосири таълимӣ, рақамикунонӣ ва баланд бардоштани имконияти шуғли хатмкунандагон изҳор намуд.
Меҳмонон аз пойгоҳи моддию техникии омодасозии кадрҳои баландихтисос ва Маркази рушди малакаҳо, касбомӯзӣ ва хизматрасонии донишгоҳ боздид намуда, бо шароити фароҳамгардида, инфрасохтори муосири таълимию амалӣ ва имконияти касбомӯзӣ аз наздик шинос шуда, ба фаъолияти марказ ва сатҳи ташкили он баҳои баланд доданд.
АКС: Донишгоҳи байналмилалии сайёҳӣ ва соҳибкории Тоҷикистон
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
Кормандони сохторҳои шаҳри Душанбе бо мавзеъҳои таърихию сайёҳии минтақаи Кӯлоб шинос шуданд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
