Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
САНГВОР, 28.08.2026. /АМИТ «Ховар»/. 26 август Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода дар Ҷамоати деҳоти Заршӯёни ноҳияи Сангвор бо интихобкунандагон вохӯрӣ намуд. Дар ин хусус ба хабарнигори минтақавии АМИТ «Ховар» аз Мақомоти иҷроияи ҳокимияти давлатии ноҳияи Сангвор иттилоъ доданд.
Файзалӣ Идизода сокинони Ҷамоати деҳоти Заршӯёни ноҳияи Сангворро бо ҷашни 35-солагии Истиқлоли давлатӣ табрик гуфта, онҳоро ба гиромӣ доштани дастовардҳои Истиқлоли давлатии Тоҷикистон даъват намуд.
Вакили мардумӣ иброз дошт, ки «Истиқлоли давлатӣ барои мо имкони беназири таърихӣ фароҳам овард, ки таҳти сарварии оқилонаи Пешвои миллат муҳтарам Эмомалӣ Раҳмон Тоҷикистонро ба давлати ободу шукуфон табдил диҳем. Ташаббусҳои ҷаҳонии Сарвари давлат дар бахши об ва иқлим имрӯз Тоҷикистонро дар сатҳи байналмилалӣ ҳамчун давлати пешоҳанги ҳалли масъалаҳои глобалӣ ва ташаббускор муаррифӣ мекунанд. Бо ташаббусҳои Пешвои миллат муҳтарам Эмомалӣ Раҳмон ва бо қабули қатъномаҳои Созмони Милали Муттаҳид дар ду соли охир аз ҷониби Созмони Милали Муттаҳид «Соли байналмилалии ҳифзи пиряхҳо, 2025», Даҳсолаи амалиёт барои илмҳои пиряхшиносӣ (2025–2034) ва «Даҳсолаи байналмилалии таҳкими сулҳ ба хотири наслҳои оянда (2027-2036)» эълон гардиданд».
Конфронси нахустини сатҳи баланди «Соли байналмилалии ҳифзи пиряхҳо, 2025» ва Даҳсолаи амалиёт барои илмҳои пиряхшиносӣ (2025–2034) дар шаҳри Душанбе баргузор шуд. Ин иқдомҳои глобалӣ на танҳо обрӯю нуфузи Тоҷикистонро дар сатҳи байналмилалӣ боло мебаранд, балки нишон доданд, ки кишвари мо дар татбиқу ҳифзи сулҳ, иқлим ва рушди ҳуқуқии башарият нақши муҳим дорад.
Дар вохӯрӣ интихобкунандагон ба Раиси Маҷлиси намояндагони Маҷлиси Олии Ҷумҳурии Тоҷикистон бо саволҳо оид ба ҳалли масъалаҳои муҳими инфрасохтори маҳаллӣ, аз ҷумла беҳтар кардани ҳолати роҳҳо, таъмини оби нӯшокӣ ва дигар масъалаҳои муҳим муроҷиат намуданд. Вакили халқ ба ҳар савол ва дархости сокинон таваҷҷуҳи хосса зоҳир карда, фикру ақида ва роҳҳои ҳалли ҳуқуқию амалии онҳоро баён дошт. Таъкид гардид, ки тамоми пешниҳодҳо зери назорати қатъӣ гирифта ва барои баррасӣ ба мақомоти дахлдор расонида мешаванд.
АКС: Мақомоти иҷроияи ҳокимияти давлатии ноҳияи Сангвор
Дар Душанбе стратегияи муосири пешгирии бемориҳои ғайрисироятиро баррасӣ намуданд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Дар ҷаласаи кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология қонунҳои соҳавӣ баррасӣ гардиданд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Оид ба таҳкими робитаҳои байнипарлумонӣ ва густариши ҳамкории дуҷонибаи Тоҷикистону Муғулистон вохӯрӣ доир шуд
Дар шаҳри Улан-Батори Муғулистон Форуми ҷаҳонии занони аъзои парлумон баргузор гардид
Дар шаҳри Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Файзалӣ Идизода бо иштирокчиёни Муколамаи чоруми минтақавӣ оид ба иқтисоди даврӣ дар Осиёи Марказӣ вохӯрӣ намуд
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир шуд
Ҷаласаи навбатии кумита оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занони Маҷлиси миллӣ доир гардид
Ҷаласаи навбатии кумитаи Маҷлиси миллии Маҷлиси Олӣ доир гардид
