«Фестивали тобистонаи Душанбе – 2026» бо барномаи бошукуҳи фарҳангию фароғатӣ ҷамъбаст гардид
ДУШАНБЕ, 24.08.2026 /АМИТ «Ховар»/. 23 август дар Муассисаи давлатии «Наврӯзгоҳ»-и пойтахт ба муносибати 35-солагии Истиқлоли давлатии Ҷумҳурии Тоҷикистон «Фестивали тобистонаи Душанбе – 2026» («Dushanbe Summer Fest») бо барномаи рангини фарҳангиву фароғатӣ ва консерти бошукуҳ ҷамъбаст гардид. Дар ин хусус ба АМИТ «Ховар» аз Раёсати рушди сайёҳии Мақомоти иҷроияи ҳокимияти давлатии шаҳри Душанбе хабар доданд.
Фестивал 22–23 августи соли 2026 бо дастгирии Мақомоти иҷроияи ҳокимияти давлатии шаҳри Душанбе аз ҷониби Ҷамъияти дорои масъулияти маҳдуди «Бозоршинос» баргузор гардид.
Давоми ду рӯзи баргузории фестивал ҳазорон сокинону меҳмонони пойтахт, инчунин сайёҳони хориҷӣ аз барномаи гуногуни фарҳангиву фароғатии он баҳравар шуданд.
Рӯзи дуюми фестивал низ бо баргузории чорабиниҳои гуногуни фарҳангӣ ва фароғатӣ гузашт. Дар ҳудуди «Наврӯзгоҳ» намоиш ва фурӯши маҳсулоти ҳунарҳои мардумӣ, таом ва хӯришҳои миллӣ, шириниҳо ва нӯшокиҳои гуногун ташкил шуда, ба иштирокчиён бозиҳои варзишиву зеҳнӣ, озмуну викторинаҳо, намоишҳои театриву сиркӣ, сайру гашт тавассути асп ва дигар чорабиниҳои шавқовар пешниҳод гардиданд.
Дар қисми консертии рӯзи ҷамъбастӣ сарояндагони маъруфи мамлакат ва хориҷӣ ҳунарнамоӣ намуда, бо суруду оҳангҳои машҳури худ ба иштирокчиёни фестивал хотири болида бахшиданд.
Дар ҷараёни фестивал ҳамчунин аз ҷониби сарпарастон бозиҳои бурднок ва озмунҳо ташкил карда шуданд.
Бо анҷоми барномаи бошукуҳи консертӣ ва баргузории чорабиниҳои гуногуни фарҳангиву фароғатӣ «Фестивали тобистонаи Душанбе – 2026» ба анҷом расид.
Бояд гуфт, ки «Фестивали тобистонаи Душанбе» солҳои қабл низ ҳамчун яке аз чорабиниҳои фарҳангиву фароғатии маъруфи пойтахт баргузор гардида, сокинону меҳмонони зиёдеро ба ҳам овардааст. Фестивал қаблан бо дастгирии Мақомоти иҷроияи ҳокимияти давлатии шаҳри Душанбе се маротиба — солҳои 2018, 2019 (аз ҷониби ҶДММ «Rooyo Production») ва 2021 баргузор шуда буд.
АКС: Раёсати рушди сайёҳии Мақомоти иҷроияи ҳокимияти давлатии шаҳри Душанбе
Вакилони Маҷлиси намояндагон бо фаъолони ноҳияи Фирдавсӣ вохӯрӣ намуданд
Вакили Маҷлиси намояндагон бо кормандони соҳаи тандурустии шаҳри Ҳисор вохӯрӣ намуд
Китоби «Ташаббусҳои қонунгузории Президенти Ҷумҳурии Тоҷикистон Эмомалӣ Раҳмон — омили пойдории давлатдории миллӣ» ба нашр расид
РӮЗГОРИ ОДАМОНИ НАҶИБ. Сайбибӣ Шарифова чун фариштаи меҳр 50 соли умри пурбаракаташро ба соҳаи тандурустӣ бахшидааст
Сарвари давлат Эмомалӣ Раҳмон дар шаҳри Душанбе Театри миллиро мавриди истифода қарор доданд
Дар ноҳияи Муъминобод санги асоси фурудгоҳи маҳаллӣ гузошта шуд
Доир ба Истиқлоли давлатӣ ва ташаккули он конференсияи ҷумҳуриявии илмӣ баргузор гардид
Тоҷикони муқими шаҳри Хабаровски Русия 35-солагии Истиқлоли давлатии Ҷумҳурии Тоҷикистонро таҷлил намуданд
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
КИШОВАРЗИИ ТОҶИКИСТОН ДАР 35 СОЛИ ИСТИҚЛОЛИЯТ. Истеҳсоли ғалладонагӣ 6 маротиба зиёд шудааст
«ФЕСТИВАЛИ ТОБИСТОНАИ ДУШАНБЕ-2026»: Пойтахти Тоҷикистон ба муносибати 35-солагии Истиқлоли давлатӣ мизбони ҷашни фарҳангиву фароғатӣ гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
