Имрӯз парвози мустақим дар хатсайри Душанбе–Минск оғоз гардид
ДУШАНБЕ, 29.08.2026 /АМИТ «Ховар»/. 29 август дар арафаи таҷлили ҷашни 35-солагии Истиқлолияти давлатии Ҷумҳурии Тоҷикистон Агентии авиатсияи граждании назди Ҳукумати Ҷумҳурии Тоҷикистон дар ҳамкорӣ бо Ҷамъияти дорои масъулияти маҳдуд «Ширкати ҳавопаймоии Сомон Эйр» парвози мустақимро дар хатсайри Душанбе–Минск оғоз намуд.
Тавре ба АМИТ «Ховар» аз Агентии авиатсияи граждании назди Ҳукумати Ҷумҳурии Тоҷикистон хабар доданд, ифтитоҳи парвози мустақим дар ин самт қадами муҳим дар таҳкими робитаҳои гуногунҷанбаи Ҷумҳурии Тоҷикистон ва Ҷумҳурии Беларус ба ҳисоб рафта, барои рушди муносибатҳои байнидавлатӣ, хусусан дар соҳаҳои иқтисоду тиҷорат, сайёҳӣ, фарҳанг ва таъмини шароити мусоиду муосири рафтуомади бемонеаи шаҳрвандони ду мамлакат ниҳоят муҳим мебошад.
Тавре қаблан иттилоъ дода будем, дар аввали моҳи августи соли ҷорӣ ба парки ҳавопаймоии ҶДММ «Ширкати ҳавопаймоии Сомон Эйр» ҳавопаймои муосири навъи Boeing 737-8 MAX ворид гардид. Тибқи нақша, моҳи сентябри соли 2026 ворид намудани як ҳавопаймои дигари навъи Boeing 737-8 MAX низ дар назар дошта шудааст. Ширкати ҳавопаймоии Сомон Эйр дар оянда бо мақсади рушди минбаъда ва боз ҳам бештар гардондани парвозҳо дар хатсайрҳои байналмилалӣ нақша дорад, ки тариқи ҳавопаймоҳои мазкур дар як қатор самтҳои нави байналмилалӣ, аз ҷумла хатсайрҳои Душанбе–Сеул, Душанбе–Пекин ва Душанбе–Лондон парвозҳоро анҷом диҳад. Агентии авиатсияи граждании назди Ҳукумати Ҷумҳурии Тоҷикистон минбаъд низ ҷиҳати рушди соҳаи авиатсияи гражданӣ, густариши ҳамкориҳои байналмилалӣ ва роҳандозии хатсайрҳои нави ҳавоӣ бо кишварҳои хориҷӣ тадбирҳои заруриро амалӣ намуда, дар таҳкими мавқеи Тоҷикистон ҳамчун кишвари дорои имкониятҳои васеи транзитӣ ва нақлиётӣ нақши назаррас хоҳад гузошт.
Бояд таъкид намуд, ки дар давраи соҳибистиқлолӣ зери таваҷҷуҳ ва дастгириҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон соҳаи авиатсияи гражданӣ марҳила ба марҳила рушд намуда, барои тавсеаи ҳамкориҳои байналмилалии Тоҷикистон дар соҳаи нақлиёти ҳавоӣ заминаҳои мусоид фароҳам оварда шудааст.
АКС: АМИТ «Ховар»
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
Дар ноҳияи Абдураҳмони Ҷомӣ тадбирҳои созандагӣ ва ободонӣ амалӣ гардонида мешаванд
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ДАР ПАЙРАВӢ БА ИҚДОМИ ПЕШВОИ МИЛЛАТ. Дар ноҳияи Рӯдакӣ барои кӯдакону наврасони ятим ҳамоиши идона доир гардид
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Дар ноҳияи Восеъ мумфаршкунии роҳҳо вусъати тоза меёбад
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд бинои иловагии Беморхонаи клиникии кӯдаконаи вилояти Суғдро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров гимназияи хусусии «Ҳаёт»-ро ба истифода доданд
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Пешвои миллат Эмомалӣ Раҳмон 11 иншооти таъйиноти гуногунро дар ноҳияҳои Бобоҷон Ғафуров ва Спитамен ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти коргоҳи нави орди ҶДММ «Ирода Инвест» оғоз бахшиданд
Дар ноҳияи Вахш ҷамъоварии ангур идома дорад
