ИСТИФОДАИ САМАРАНОКИ ЗАМИН. Дар хоҷагиҳои деҳқонии ноҳияи Хуросон кишти зироат идома дорад
ДУШАНБЕ, 04.08.2026 /АМИТ «Ховар»/. Дар ноҳияи Хуросони вилояти Хатлон оид ба самаранок истифода бурдани замин корҳои назаррас анҷом дода мешаванд. Тавре ба АМИТ «Ховар» аз хадамоти матбуоти Раиси вилояти Хатлон хабар доданд, бо ин мақсад дар хоҷагии деҳқонии «Алишер», воқеъ дар деҳаи Меҳнати ноҳия 9 гектар замини кишоварзӣ самаранок истифода мешавад.
Хоҷагидорон талош доранд, ки аз ҳар қитъаи замин ҳосили хуб ба даст оварда, дар рушди соҳаи кишоварзӣ ва таъмини бозори дохилӣ бо маҳсулоти кишоварзӣ саҳм гузоранд.
Кишоварзони хоҷагӣ соли 2026 дар 6 гектар чигити зери плёнка кишт намуданд. Ҳоло ниҳолҳои пахта дар ҳолати хуби нашъунамо қарор дошта, аз ҷониби кишоварзон мунтазам нигоҳубин карда мешаванд.
Истифодаи технологияи кишти чигити зери плёнка имкон медиҳад, ки дар марҳилаҳои аввали нашъунамои растанӣ шароити мусоид фароҳам оварда шуда, зироат самараноктар нигоҳубин карда шавад. Дар 3 гектар кишоварзон сабзавот кишт намуда, барои ба даст овардани маҳсулоти гуногуни кишоварзӣ аз имконияти мавҷуда оқилона истифода менамоянд.
Дар шароити имрӯза истифодаи босамари заминҳои корам, афзоиши ҳаҷми истеҳсоли маҳсулоти кишоварзӣ, рушди кишти зироати гуногун ва ба даст овардани ҳосили баланд аз ҷумлаи вазифаҳои муҳими соҳаи кишоварзӣ ба ҳисоб меравад.
Бояд иброз намуд, ки истифодаи оқилонаи замин ва баланд бардоштани ҳосилнокӣ ба афзоиши истеҳсоли маҳсулоти кишоварзӣ ва таъмини амнияти озуқаворӣ мусоидат мекунад.
АКС: Хадамоти матбуоти Раиси вилояти Хатлон
Агентии «Тоҷикстандарт» дар шаҳри Душанбе 110 кг маҳсулоти гуногуни ҳасибии пастсифат ва ғайристандартиро ошкор намуд
Тақвияти ҳамкорӣ дар соҳаи ҳифзи муҳити зист байни Тоҷикистон ва Муғулистон баррасӣ гардид
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Содироти маҳсулоти Тоҷикистон ба Чин баррасӣ шуд
РАҚАМИКУНОНИИ СОҲАИ ОБ. Барои Тоҷикистон ин масъала аҳаммияти махсус дорад
«Барномаи рушди сайёҳии дохилии Ҷумҳурии Тоҷикистон барои солҳои 2027-2031» қабул гардид
Робитаҳои соҳибкорӣ байни Тоҷикистон ва Фландрияи Подшоҳии Белгия густариш меёбанд
Ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ доир шуд
Тоҷикистон ва Фландрияи Шоҳигарии Белгия ҳамкории тиҷоратию иқтисодиро густариш медиҳанд
Вазири нақлиёти Тоҷикистон ва Раиси вилояти Гулистони Эрон ҳамкорӣ дар соҳаи нақлиёт ва логистикаро баррасӣ намуданд
«РОҒУН» — КОХИ НУР. Сарбанди ин неругоҳ баландтарин садди обӣ дар ҷаҳон хоҳад буд
Сармоягузорони Эрон бо имконоти истеҳсолии Минтақаи озоди иқтисодии «Данғара» шинос шуданд
