Китоби «Дар ҳавои Мавлоно»-и Раҳмоналӣ Мирализода рӯнамоӣ гардид
ДУШАНБЕ, 03.08.2026 /АМИТ «Ховар»/. Дар Вазорати фарҳанги Ҷумҳурии Тоҷикистон китоби «Дар ҳавои Мавлоно»-и Раҳмоналӣ Мирализода, ки ба тозагӣ аз чоп баромад, рӯнамоӣ гардид.
Тавре аз Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, нашри чунин осор дар густариши маърифати адабӣ, таҳкими худшиносии миллӣ ва арҷгузорӣ ба мероси фарҳангиву адабии бузургони тоҷик нақши муҳим дорад.
Фарқияти муҳимми ин маҷмуа дар он аст, ки шоир ҳолу ҳавои тамсилҳои куҳанро бо фазои дунёи муосир моҳирона пайванд задааст. Зимнан, муаллиф аз ин дурдонаҳо ва ҳикматҳои дурахшон барои ҳалли мушкилоти иҷтимоии насли ҷавони даврони мо роҳкорҳои ибратангез пайдо карда, ҳамзамон ба тамсилҳои куҳан ҷони тоза ва умри безавол ҳадя кардааст.
«Дар ҳавои Мавлоно» китоби ашъори Раҳмоналӣ Мирализода буда, аз маснавиҳои асосан тамсилии муаллиф иборат мебошад.
Дар китоб мавзуъҳои маърифату ҳикмат, ахлоқ, худшиносӣ ва арзишҳои инсонӣ инъикос ёфтаанд. Китоб асарҳои иҷтимоию ватандӯстонаро низ дар бар мегирад. Аз ҷумла, маснавии «Фарзанди миллат» ва «Нома ба руҳи Фирдавсӣ» аз ин ҷумла мебошанд.
Муаллиф дар ин китоб забону баёнро ҳам дар шеъри классикӣ ва ҳам муосиру адабиёти мардумӣ дар ҳадди тавозуну эътидол ҳифз кардааст. Эҳсос мешавад, ки ин сабк дар ҷараёни пайдо кардани вижагиҳои фардӣ низ бо тамоюл ба ҳарчи муосиртар шудани ашъор қарор дорад. Яъне, он бо саъю эҳтимоми рӯзафзуни муаллифи ин дафтар боз натиҷаҳои беҳтар хоҳад дошт.
АКС: Вазорати фарҳанги Ҷумҳурии Тоҷикистон
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
