Маркази миллии тестӣ гурӯҳи ихтисосҳои серинтихобро номбар намуд
ДУШАНБЕ, 06.08.2026 /АМИТ «Ховар»/. Маркази миллии тестии назди Президенти Ҷумҳурии Тоҷикистон гурӯҳи ихтисосҳои серинтихобро номбар намуд. Аз рӯи натиҷаҳои давраи дуюм довталабон бештар кластери 3 (филология, педагогика, санъат)- 1974 нафар ва кластери 5 (тиб, биология, варзиш) — 1950 нафарро интихоб намудаанд. Дар ин хусус 5 август зимни нишасти матбуотӣ директори Маркази миллии тестии назди Президенти Ҷумҳурии Тоҷикистон Сабзалӣ Ҷаъфарзода ба хабарнигорон хабар дод.
Иттилоъ дода шуд, ки дар байни довталабон бо заминаи синфи 9-ум низ гурӯҳи 5-ум (тиб, биология, варзиш) бо 1610 нафар пешсаф гардид.
Муовини якуми директори марказ Абдулбосит Шодиниё дар нишасти матбуотӣ иброз намуд, ки Донишгоҳи давлатии тиббии Тоҷикистон ба номи Абуалӣ ибни Сино, Донишгоҳи миллии Тоҷикистон, Донишгоҳи давлатии Бохтар ба номи Носири Хусрав, Донишгоҳи славянии Тоҷикистону Русия, Донишгоҳи техникии Тоҷикистон ба номи академик Муҳаммад Осимӣ ва Донишгоҳи байналмилалии сайёҳӣ ва соҳибкории Тоҷикистонро довталабон бештар интихоб намудаанд.
«Озмуни баландтарин дар ин комбинатсияи ихтисосҳо барои як ҷой 828 нафарро ташкил медиҳад. Дар доираи ин комбинатсияи ихтисосҳо озмуни пасттарин барои як ҷой 260 нафар аст», — гуфт Абдулбосит Шодиниё.
Бояд ёдовар шуд, ки солҳои пеш низ ин гурӯҳи ихтисосҳоро довталабон нисбат ба гурӯҳҳои дигар бештар интихоб мекарданд. Масалан, соли 2024 дар байни ихтисосҳо класстери 5 (тиб, биология ва варзиш) аз ҳама серинтихоб буда, дар ҷойи дуюм класстери 4-ум -ихтисосҳои ҷомеашиносӣ ва ҳуқуқ, дар ҷойи сеюм гурӯҳи ихтисосҳои филология, педогогика ва санъат қарор доштанд.
Таъкид шуд, ки имсол шумораи довталабон нисбат ба соли 2025 32 фоиз афзоиш ёфтааст. Дар ду давраи бақайдгирӣ дар заминаи синфи 11-ум 124 ҳазору 323 нафар будаанд, ки 115,16 фоиз нақшаи қабулро ташкил медиҳад. Инчунин дар заминаи синфи 9-ум 25 ҳазору 131 нафар мебошанд, ки ба 112,02 фоизи нақшаи қабул баробар аст.
Барои дастрасии бештар 49 нуқтаи доимӣ ва нуқтаҳои сайёр бо 198 истгоҳи корӣ фаъолият намуданд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
