Муассисаю корхонаҳои соҳаи роҳу нақлиёти Тоҷикистон ба фасли зимистон омодагӣ мегиранд
ДУШАНБЕ, 06.08.2026 /АМИТ «Ховар»/. Бо мақсади таъмини ҳаракати мунтазами нақлиёти автомобилӣ ва иҷрои қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодию иҷтимоии ҷумҳурӣ ба фаъолияти мунтазам ва самаранок дар давраи тирамоҳу зимистони солҳои 2026-2027» бо фармоиши Вазири нақлиёти ҷумҳурӣ нақшаи тадбирҳои вазорат оид ба сари вақт омода намудани соҳаи нақлиёти ҷумҳурӣ ба фаъолияти мунтазам ва самаранок дар давраи тирамоҳу зимистони солҳои 2026-2027 тасдиқ карда шуд. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад.
Масъулини соҳа муваззаф гардидаанд, ки иҷрои саривақтӣ ва босифати ҳама бандҳои ин нақшаро таъмин намоянд. Ҳамчунин Ситоди фаврӣ таҳти сарварии муовини аввали Вазири нақлиёт барои ҳамоҳангсозӣ ва назорати раванди тайёрӣ ба мавсими тирамоҳу зимистон таъсис дода шудааст. Дар айни замон дар соҳаи роҳу нақлиёти мамлакат қариб се ҳазор корхонаи шаклҳои гуногуни моликият, аз ҷумла 2579 субъекти хоҷагии нақлиёти автомобилӣ, 241 хоҷагии роҳ ва 137 корхонаи роҳи оҳан фаъолият мекунанд. То 1 январи соли равон 800 ҳазору 926 воситаи нақлиёт ба қайд гирифта шудааст. 94,6 фоизи борҳо ва 99,8 фоизи мусофирон тавассути нақлиёти автомобилӣ интиқол дода мешаванд.
28 марти соли равон дар ҷаласаи Ҳукумати ҷумҳурӣ масъалаи омодагӣ ба мавсими тирамоҳу зимистони солҳои 2026-2027 баррасӣ гардид. Сарвари давлат ба Ҳукумати мамлакат супориш доданд, ки нақшаи тадбирҳоро тасдиқ намуда, барои омодасозии мамлакат ба давраи тирамоҳу зимистони оянда Ситоди ҷумҳуриявӣ таъсис диҳад. Пешвои миллат ҳамчунин мақомоти иҷроияи марказӣ ва маҳаллии ҳокимияти давлатиро вазифадор карданд, ки то 20-уми ҳар моҳ дар бораи омодасозии иқтисодиёт ва соҳаи иҷтимоии Тоҷикистон ба мавсими сармо ҳисоботи ҷамъбастӣ пешниҳод намоянд.
АКС: Вазорати нақлиёти Ҷумҳурии Тоҷикистон
Дар Панҷакент коргоҳи коркарди қуму шағал ва истеҳсоли бетон ба истифода дода шуд
Ҷаласаи навбатии Комиссияи байниидоравӣ оид ба таъмини бехатарии авиатсионӣ баргузор шуд
Намояндагони «Тоҷикаэронавигатсия» бо раванди таҳсили донишҷӯёни тоҷик дар Академияи давлатии авиатсияи Беларус шинос гардиданд
Дар Душанбе ҷаласаи 14-уми Комиссияи байниҳукуматии Тоҷикистон ва Чин оид ба ҳамкории тиҷоратию иқтисодӣ доир шуд
Муовини Сарвазири Тоҷикистон бо вазъи соҳаи кишоварзии шаҳри Кӯлоб шинос гардид
Ҷаласаи навбатии Шурои байнидавлатии муқовимат ба коррупсияи кишварҳои аъзои ИДМ дар Минск доир шуд
Дар Лондон масъалаҳо оид ба соҳаи энергетикаи Тоҷикистон баррасӣ гардиданд
ЗЕҲНИ СУНЪӢ ДАР АМНИЯТИ КИБЕРӢ. Андешаҳо оид ба имконот ва таъсири он ба мудофиаи киберӣ
Дар Душанбе ҷаласаҳои муштараки соҳаи алоқаи кишварҳои Иттиҳоди Давлатҳои Мустақил баргузор мегарданд
Дар мавзуи «Портали ягонаи хизматрасониҳои давлатӣ ва ҳукумати электронӣ» ҳамоиш доир шуд
Дар ноҳияи Хуросон ҷамъоварии пахта идома дорад
Эъломияи Сеул ҳамкории давлатҳои Осиёи Марказӣ ва Кореяро дар соҳаи зеҳни сунъӣ тақвият медиҳад
