НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
ТОҶИКОБОД, 12.08.2026 /АМИТ «Ховар»/. Дар шаш моҳи соли равон ҳаҷми истеҳсоли маҳсулоти саноатӣ дар ноҳияи Тоҷикобод ба 7 миллиону 573,6 ҳазор сомонӣ расонида шуд, ки нисбат ба ҳамин давраи соли 2025 1 миллиону 929,4 ҳазор сомонӣ зиёд мебошад. Инчунин шумораи корхонаҳои калони саноатӣ дар ноҳия ду ададро ташкил медиҳад, ки дар давраи ҳисоботӣ пурра фаъолият намудаанд. Дар нимсолаи якуми соли равон дар ноҳия 2 коргоҳи хурди истеҳсоли сементблок ва 1 коргоҳи истеҳсоли сафолак бо 18 ҷойи нави кор мавриди истифода қарор дода шуд. Дар ин хусус Раиси ноҳияи Тоҷикобод Қадриддин Фақерзода зимни нишасти матбуотӣ ба хабарнигорон иттилоъ дод.
Зимни нишасти матбуотӣ гуфта шуд, ки давоми соли равон дар ҳама шаклҳои хоҷагидорӣ дар 6 ҳазору 712 гектар кишти зироати кишоварзӣ анҷом дода шуд. Аз кишти зироати асосӣ картошка 2106 гектарро ташкил медиҳад, ки нисбат ба ҳамин давраи соли 2025 69 гектар зиёд мебошад.
Тибқи маълумоти оморӣ, аз ноҳияи Тоҷикобод 20 ҳазору 600 тонна маҳсулоти кишоварзӣ содирот карда шуд, ки 95 фоизи нақшаи пешбинишударо ташкил медиҳад.
Ба ифтихори ҷашни таърихии 35-солагии Истиқлоли давлатӣ дар ноҳияи Тоҷикобод бунёду барқарорсозии 101 иншоот ба нақша гирифта шудааст. То имрӯз 85 иншоот ба истифода дода шуда, дар иншооти боқимонда корҳои сохтмонӣ идома доранд.
Субҳониддини МАҲМУД,
АМИТ «Ховар»
АКС: АМИТ «Ховар»
13 август дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
«МЕЪМОР-2026». Озмуни ҷумҳуриявии беҳтарин лоиҳаҳои меъморӣ ва шаҳрсозӣ ҷамъбаст шуд
