НИШАСТИ МАТБУОТӢ. Бахшида ба 35-солагии Истиқлолияти давлатӣ дар ноҳияи Ёвон 649 иншоот ба истифода дода шуд
ДУШАНБЕ, 08.08.2026 /АМИТ «Ховар»/. Дар ноҳияи Ёвон дар арафаи 35-солагии Истиқлолияти давлатии Тоҷикистон 649 иншоот мавриди истифода қарор гирифта, ба бунёди онҳо 639,7 миллион сомонӣ равона гардид. Дар ин хусус 7 август зимни нишасти матбуотӣ Раиси ноҳияи Ёвон Икромиддин Вализода ба хабарнигорон иттилоъ дод.
Иттилоъ дода шуд, ки бо мақсади иҷрои саривақтии нақшаи чорабиниҳо дар ноҳия 561 иншоот ба нақша гирифта шуда, марҳила ба марҳила шумораи иншоот ба 649 адад расонида шуд.
Дар давраи ҳисоботӣ дар маҷмуъ 649 иншоот мавриди истифода қарор гирифт, ки ин 130,3 фоизи нақшаро ташкил медиҳад. Барои бунёд ва ба истифода додани иншоот 639 миллиону 750 ҳазору 111 сомонӣ маблағ равона карда шудааст.
Танҳо дар соли 2026 дар ноҳия 94 иншооти таъйиноти гуногун ба маблағи умумии 22 миллиону 242 ҳазор сомонӣ ба истифода дода шуд. Аз ҷумла, 1 бинои баландошёнаи истиқоматӣ, 6 бинои иловагӣ дар назди муассисаҳои таълимӣ, 2 маркази савдо ва 85 иншооти дигари иҷтимоӣ ва ободонӣ мавриди истифода қарор гирифта, барои рушди инфрасохтори ноҳия, беҳтар гардидани сатҳу сифати хизматрасонӣ ва фароҳам овардани шароити мусоиди зисти аҳолӣ заминаи мусоид фароҳам оварданд.
Аз 649 иншооти баистифодадода 2 иншооти истеҳсолӣ ва саноатӣ, 23 иншооти соҳаи маориф, 39 иншооти таъмини оби нӯшокӣ, 2 муассисаи тандурустӣ, 2 иншооти варзишӣ, 10 бинои баландошёнаи истиқоматӣ бо марказҳои савдо ва хизматрасонӣ дар ошёнаҳои аввал, 1 бинои маъмурӣ буда, 561 иншооти дигар ба соҳаҳои иҷтимоӣ, хизматрасонӣ, ободонӣ ва беҳсозии инфрасохтори ноҳия рост меоянд.
Раиси ноҳияи Ёвон Икромиддин Вализода иброз дошт, ки корҳои созандагию ободонӣ дар доираи омодагӣ ба ҷашни 35-солагии Истиқлол то давраи ба анҷом расидани сохтмони тамоми иншооти ҷашнӣ идома меёбанд.
Мунира РАСУЛЗОДА,
АМИТ «Ховар»
АКС: АМИТ «Ховар»
Дар ноҳияи Абдураҳмони Ҷомӣ тадбирҳои созандагӣ ва ободонӣ амалӣ гардонида мешаванд
ДАР ПАЙРАВӢ БА ИҚДОМИ ПЕШВОИ МИЛЛАТ. Дар ноҳияи Рӯдакӣ барои кӯдакону наврасони ятим ҳамоиши идона доир гардид
Дар ноҳияи Восеъ мумфаршкунии роҳҳо вусъати тоза меёбад
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд бинои иловагии Беморхонаи клиникии кӯдаконаи вилояти Суғдро ифтитоҳ намуданд
Сарвари давлат Эмомалӣ Раҳмон дар ноҳияи Бобоҷон Ғафуров гимназияи хусусии «Ҳаёт»-ро ба истифода доданд
Пешвои миллат Эмомалӣ Раҳмон 11 иншооти таъйиноти гуногунро дар ноҳияҳои Бобоҷон Ғафуров ва Спитамен ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти коргоҳи нави орди ҶДММ «Ирода Инвест» оғоз бахшиданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти коргоҳи истеҳсолии равғани ҶДММ «Анқо-инвест» оғоз бахшиданд
Дар Женева 35-солагии Истиқлолияти давлатии Тоҷикистонро бо тантана ҷашн гирифт
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Китоби тозанашри «Коллексияи Пешвои миллат дар Осорхонаи миллӣ» муаррифӣ карда шуд
Дар Анқара ба муносибати 35-солагии Истиқлоли давлатии Тоҷикистон чорабинии тантанавӣ доир гардид
