НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
ДУШАНБЕ, 12.08.2026 /АМИТ «Ховар»/. Соли 2026 дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд, ки барои рушди касбии мутахассисони ҷавон заминаи мусоид фароҳам меорад. Дар ин хусус ректори донишкада Зарина Ибодзода имрӯз зимни нишасти матбуотӣ ба хабарнигорон иттилоъ дод.
«Дар заминаи марказ нақша ва барномаҳои таҳсилотӣ аз рӯйи 24 самти ординатураи клиникӣ, 3 самти магистратура, 1 самти интернатура ва 5 самти доктори фалсафа (PhD), доктор аз рӯи ихтисос фаъолият менамоянд», — афзуд Зарина Ибодзода.
Иброз гардид, ки донишкада бо 18 муассисаи таҳсилоти олии касбии хориҷӣ ҳамкории дуҷониба дорад. Дар айни замон 404 нафар донишҷӯёни хориҷӣ дар донишкада таҳсил дошта, теъдоди донишҷӯёни хориҷӣ нисбат ба соли 2025 290 нафар зиёд мебошад. Донишҷӯёни хориҷӣ аз 8 давлати ҷаҳон, аз ҷумла Ҷумҳурии Ҳиндустон, Бангладеш, Малавӣ, Танзания, Арабистони Саудӣ, Судон, Филиппин ва Нигерия мебошанд.
Зарангези ЛАТИФ,
АМИТ «Ховар»
АКС: АМИТ «Ховар»
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
