НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
ДУШАНБЕ, 15.08.2026 /АМИТ «Ховар»/. Дар арафаи ҷашни 35-солагии Истиқлоли давлатии Ҷумҳурии Тоҷикистон дар филиал лабораторияи нави «Электроникаи саноатӣ» кушода мешавад. Дар ин хусус имрӯз зимни нишасти матбуотӣ муовини якуми директори Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе Сафаралӣ Гадоев иттилоъ дод.
Таҷҳизоти нав ба донишҷӯён имконият медиҳад, ки донишҳои назариявиро дар амал татбиқ намуда, бо технологияҳои муосири электроэнергетикӣ ва электронӣ шинос шаванд.
«Дар айни замон сатҳи таъминоти лабораторияҳо аз рӯи фанҳои тахассусӣ зиёда аз 90 фоизро ташкил медиҳад. Филиал минбаъд низ барои таҳкими заминаи таълимӣ, рушди илм ва омодасозии мутахассисони рақобатпазир барои соҳаи энергетикаи ҷумҳурӣ чораҳои заруриро амалӣ менамояд»,-гуфт Сафаралӣ Гадоев.
Иброз гардид, ки дар филиал 266 донишҷӯ ба таҳсил фаро гирифта шудааст. Имсол 75 донишҷӯ рисолаи хатмро муваффақона ҳимоя карда, 8 нафар соҳиби дипломи аъло шуданд. Ҳамчунин як зумра донишҷӯён дар доираи иҷрои корҳои тахассусии хатм макетҳои амалкунандаи неругоҳи бодӣ, неругоҳи офтобӣ, қуттии тақсимоти барқ ва дигар дастгоҳҳои таълимию намоиширо таҳия ва омода намуданд. Ин лоиҳаҳо ба рушди малакаҳои амалии донишҷӯён, таҳкими донишҳои назариявӣ ва татбиқи онҳо дар ҳалли масъалаҳои муҳандисӣ мусоидат намуданд.
Филиали Донишгоҳи миллии тадқиқотии «Донишкадаи энергетикии Москва» бо корхонаҳои асосии соҳаи энергетика: ҷамъиятҳои саҳомии кушодаи «Барқи тоҷик», «Шабакаҳои интиқоли барқ» ва «Шабакаҳои тақсимоти барқ» ҳамкорӣ дошта, тарибаомӯзиҳо дар заминаи ҳамин корхонаҳо гузаронида шудаанд».
Раъно НУСРАТУЛЛО,
АМИТ «Ховар»
АКС: АМИТ «Ховар»
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
Дар Хатлон беш аз 900 ҳазор хонанда ба таҳсил фаро гирифта шудааст
Дар Тоҷикистон сифати таҳсил баланд арзёбӣ мегардад, вале қонеъкунанда нест
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
Олимпиадаи даставӣ барои дарёфти «Ҷоми Сарраёсати маорифи шаҳри Душанбе» доир гардид
