НИШАСТИ МАТБУОТӢ. Дар иншооти ҷашнии шаҳри Ҳисор 1034 ҷойи кор таъсис дода шудааст
ҲИСОР, 13.08.2026 /АМИТ «Ховар»/. Дар шашмоҳаи якуми соли 2026 ҳаҷми истеҳсоли маҳсулоти саноатӣ дар шаҳри Ҳисор ба 106,4 миллион сомонӣ расонида шуд, ки нисбат ба ҳамин давраи соли 2025 9,1 миллион сомонӣ зиёд мебошад. Дар шаш моҳи соли равон нахи пахта 207,2 тонна, равғани растанӣ 135,1 тонна, гӯшти мурғ 219 тонна, маҳсулоти ширӣ 52,2 тонна, сангу шағал 26 ҳазор метри мукааб ва чигит 307,2 тонна истеҳсол гардидааст. Дар ин хусус имрӯз зимни нишасти матбуотӣ Раиси шаҳри Ҳисор Ҷаббор Носирзода ба хабарнигорон иттилоъ дод.
Бояд гуфт, ки дар ин давра шумораи корхонаҳои саноатӣ дар шаҳри Ҳисор 120 ададро ташкил дода, 4 корхонаи нав бо 14 ҷойи кор мавриди истифода қарор гирифт.
Дар ин давра дар шаҳри Ҳисор сармояи асосӣ аз ҳисоби ҳама манбаъҳои сармоягузорӣ 243,5 миллион сомониро ташкил додааст, ки нисбат ба ҳамин давраи соли 2025 маблағи 80,5 миллион сомонӣ зиёд мебошад.
Дар ин давра корҳои сохтмону васлкунӣ ба маблағи 243,4 миллион сомонӣ иҷро шуданд, ки нисбат ба ҳамин давраи соли 2025 81,3 миллион сомонӣ зиёд мебошад.
Дар шаш моҳ ба масоҳати 26 195 метри мураббаъ манзилҳои истиқоматӣ мавриди истифода қарор дода шуданд, ки нисбат ба ҳамин давраи соли 2025 20 661 метри мураббаъ зиёд мебошад.
Бахшида ба ҷашни 35-солагии Истиқлоли давлатии Ҷумҳурии Тоҷикистон дар шаҳри Ҳисор сохтмони 1809 иншоот ба нақша гирифта шудааст. То имрӯз соҳибкорону сокинон дар ҳамбастагӣ бо Мақомоти иҷроияи ҳокимияти давлатии шаҳри Ҳисор 1848 иншоотро ба истифода доданд, ки 102,2 фоизи умумии нақшаро ташкил медиҳад. Маблағи дар ин самт азхудкардашуда 583 миллиону 982,3 ҳазор сомониро ташкил дода, аз ин ҳисоб 1034 ҷойи кор таъсис дода шудааст. Дар иншооти иловагии боқимонда корҳои сохтмонӣ идома доранд.
Субҳониддини МАҲМУД,
АМИТ «Ховар»
АКС: АМИТ «Ховар»
Дар ноҳияи Восеъ иншооти гуногуни иҷтимоӣ ба истифода дода шуданд
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Сарвари давлат Эмомалӣ Раҳмон пас аз анҷоми сафари корӣ дар шаҳру ноҳияҳои минтақаи Кӯлоби вилояти Хатлон ба шаҳри Душанбе баргаштанд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
