НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
РОҒУН, 14.08.2026. /АМИТ «Ховар»/. Бо мақсади ноил гардидан ба дастовардҳои иҷтимоию иқтисодии шаҳри Роғун «Барномаи рушди иҷтимоию иқтисодии шаҳр барои солҳои 2026-2030» таҳия гардидааст. Тибқи он 71 лоиҳаи афзалиятнок ба маблағи 289,5 миллион сомонӣ, аз ҷумла 33 лоиҳа ба маблағи 175,4 миллион сомонӣ ба бахши иқтисодӣ, 24 лоиҳа бо маблағи 67,3 миллион сомонӣ ба бахши иҷтимоӣ, 14 лоиҳа бо маблағи 46,8 миллион сомонӣ ба бахши инфрасохтор, ҳолатҳои фавқулода ва ҳифзи муҳити зист тааллуқ доранд. Дар ин хусус имрӯз зимни нишасти матбуотӣ муовини Раиси шаҳри Роғун Баҳром Шарафзода иттилоъ дод.
Иброз гардид, ки сарчашмаҳои маблағгузории барнома аз ҳисоби буҷети ҷумҳуриявӣ 78,5 миллион сомонӣ ё 27,1 фоиз, аз ҳисоби буҷети маҳаллӣ 11,2 миллион сомонӣ ё 3,9 фоиз, сармояи хориҷӣ 86,5 миллион сомонӣ ё 29,8 фоиз ва маблағҳои бахши хусусӣ 113,2 миллион сомонӣ ё 39,1 фоизро ташкил медиҳанд.
Дар нишасти матбуотӣ баён гардид, ки то ҷашни бузурги 35-солагии Истиқлоли давлатӣ 38 иншоот дар маркази шаҳри Роғун ва кӯчаи 25-солагии Истиқлолият, 14 иншоот дар шаҳраки Оби Гарм, 43 иншоот дар Ҷамоати деҳоти Қади Об ва 10 иншоот дар Ҷамоати деҳоти Сичароғ бунёд мегардад. То имрӯз 94 иншооти гуногун ба маблағи 406 миллиону 671 ҳазору 577 сомонӣ сохта, ба истифода дода шуда, сохтмони иншооти боқимонда идома дорад.
Дар шаҳри Роғун дар шаш моҳи соли равон бо саҳми соҳибкорон ва сокинони маҳал қаҳвахона дар кӯчаи Норакиён ба маблағи 350,0 ҳазор сомонӣ аз ҳисоби соҳибкорон, Муассисаи таҳсилоти миёнаи умумӣ дар деҳаи Ҷурақули Ҷамоати деҳоти Қади Об ба маблағи 300,0 ҳазор сомонӣ аз ҳисоби сокинони деҳа, обанбор барои истифодаи 150 хоҷагӣ дар деҳаи Қалъаи Нави Ҷамоати деҳоти Қади Об ба маблағи 250,0 ҳазор сомонӣ, мағоза, ҳаммом, сартарошхона ва коргоҳи дӯзандагӣ дар деҳаи Чашмаи Куло ба маблағи 800,0 ҳазор сомонӣ, корхонаи коркарди сангу шағал дар Ҷамоати деҳоти Қади Об, нуқтаи таъмир ва шустушӯи мошинҳо дар кӯчаи Норакиён ба маблағи 400,0 ҳазор сомонӣ сохта, ба истифода дода шуданд.
Ҳамчунин собиқ бинои Муассисаи таҳсилоти миёнаи умумии №19-и деҳаи Чормағзи Ҷамоати деҳоти Қади Об ба маблағи 230,0 ҳазор сомонӣ аз ҳисоби сокинони деҳа навсозӣ гардида, ба муассисаи томактабӣ табдил дода шуд.
Субҳониддини МАҲМУД,
АМИТ «Ховар»
АКС: АМИТ «Ховар»
Дар ноҳияи Ашт неругоҳи офтобӣ ба истифода дода мешавад
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
ОМОРИ МУОСИР ВА ЗАРУРАТИ ТАРБИЯИ КАДРҲОИ РАҚОБАТПАЗИР. Андешаҳо дар ин маврид
Сарвари давлат Эмомалӣ Раҳмон дар шаҳри Турсунзода якчанд иншооти иҷтимоӣ, истеҳсолӣ ва хизматрасониро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода муассисаи таҳсилоти миёнаи умумии рақами 21-ро ба истифода доданд
Пешвои миллат Эмомалӣ Раҳмон корхонаи «Ноқили Турсунзода»-ро ифтитоҳ намуданд
35-СОЛАГИИ ИСТИҚЛОЛИ ДАВЛАТӢ. Беш аз 700 метр роҳи кӯчаҳои шаҳраки Адрасмони шаҳри Гулистон мумфарш карда шуд
НИШАСТИ МАТБУОТӢ. Дар иншооти ҷашнии шаҳри Ҳисор 1034 ҷойи кор таъсис дода шудааст
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
