НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
ДУШАНБЕ, 10.08.2026 /АМИТ «Ховар»/. Дар шашмоҳаи якуми соли 2026 аз ноҳияи Вахш ба хориҷи мамлакат 3,1 ҳазор тонна маҳсулоти кишоварзӣ содирот гардид. Дар ин хусус зимни нишасти матбуотӣ Раиси ноҳияи Вахш Қурбоналӣ Юсупов иттилоъ дод.
Дар ноҳия 6245 хоҷагии деҳқонӣ фаъолият менамояд. Аъзои ин хоҷагиҳо ҳар қитъаи заминро оқилонаву самаранок истифода бурда, бо маҳсулоти истеҳсолнамудаашон дар таъмини амнияти озуқавории мамлакат саҳми арзишманд мегузоранд. Дар ин давра дар ноҳия ҳаҷми истеҳсоли маҳсулоти саноатӣ ба 164 миллиону 128,8 ҳазор сомонӣ расонида шудааст.
Иттилоъ дода шуд, ки дар шаш моҳи соли 2026 18 коргоҳу корхонаи нави саноатӣ бунёд гардида, сохтмони 63 иншооти дигари саноатӣ идома дорад.
Бахшида ба ҷашни 35-солагии Истиқлолияти давлатӣ бунёди 150 иншооти таъйиноти гуногун ба нақша гирифта шуда, марҳила ба марҳила иншооти нави иловагӣ сохта, ба истифода дода шуданд. Дар соҳаи маориф сохтмони 3 мактаби нав, 156 синфхонаи иловагӣ барои 7,8 ҳазор ҷойи нишаст, 3 боғчаи кӯдакона ва 7 ҳазор ҷойи нишаст дар варзишгоҳҳо идома дорад.
АКС: АМИТ «Ховар»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
Навбати дуюми зеристгоҳи барқии «Навобод» ба истифода дода шуд
Дар Тоҷикистон платформаи рақамии ватании ZARZO барои ҳисоб ва идоракунии лоиҳаҳои кишоварзӣ таҳия мегардад
Дар Душанбе Фестивали зеҳни сунъӣ ва технологияҳои рақамӣ -«AI ALLEY» баргузор гардид
