«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
ДУШАНБЕ, 05.08.2026 /АМИТ «Ховар»/. Ба муносибати 35-солагии Истиқлолияти давлатии Ҷумҳурии Тоҷикистон дар нашриёти «Балоғат» китоби «Офтоб дар Хуррамзамин» аз чоп баромад, иттилоъ медиҳад АМИТ «Ховар».
Китоб бо ибтикори номзади илмҳои иқтисодӣ, муҳандис-электрик Аслиддин Назарзода ва нависанда Нозир Ёдгорӣ нашр шуда, ба таърих, ташаккул ва зиндагии мардуми деҳаи ободу шукуфони Хуррамзамини ноҳияи Данғара бахшида шудааст. Мураттибон кӯшидаанд, ки роҳи ташаккул, рушд ва зиндагии сокинони деҳаи Хуррамзамини Ҷамоати деҳоти Исмат Шарифовро ба таври воқеъбинона ва ҷолиб инъикос намоянд. Дар китоб ҳаёти мардуми заҳматкаш ин деҳа аз рӯзҳои нахустини таъсисёбӣ, рафти тадбирҳои ободонию бунёдкорӣ ва ба маҳалли ободу зебо ва пешрафта табдил ёфтани он дар партави Истиқлолияти давлатии Ҷумҳурии Тоҷикистон тасвир гардидааст.
Мавзуи меҳварии китоб бозгӯи он аст, ки дар пешрафт, ободонӣ ва беҳбуди зиндагии сокинони деҳа нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ниҳоят бузург мебошад.
Яке аз бобҳои китоб ба муаррифии аҳли зиё, шахсиятҳои маъруф ва фарзандони номдори деҳаи Хуррамзамин бахшида шуда, хонандаро бо ҳаёт ва фаъолияти онҳо шинос месозад.
Мураттибон тасмим гирифтаанд, ки ин китобро ба китобхонаҳо ва муассисаҳои таҳсилоти миёнаи умумии деҳаҳои Ҷамоати деҳоти Исмат Шарифов дастрас ва тақдим намоянд.
АКС: АМИТ «Ховар»
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Сарвари давлат Эмомалӣ Раҳмон дар ноҳияи Кӯшониён ба сохтмони корхонаи нави семент санги асос гузоштанд
Президенти Ҷумҳурии Тоҷикистон Эмомалӣ Раҳмон ба фаъолияти се коргоҳи нави истеҳсолии ҶДММ «Парки инноватсионии саноатию технологии шаҳри Левакант» оғоз бахшиданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Сарвари давлат Эмомалӣ Раҳмон дар шаҳри Левакант ба фаъолияти корхонаи истеҳсолии «Хишти диёр» оғоз бахшиданд
