Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
ДУШАНБЕ, 21.08.2026 /АМИТ «Ховар»/. Бунёди Неругоҳи барқи обии «Роғун» аз ҷумлаи муҳимтарин дастовардҳои даврони соҳибистиқлолии Тоҷикистон мебошад. Бо бунёд кардану ба кор андохтани Неругоҳи барқи обии «Роғун» мо имрӯзу фардои ободи Тоҷикистони азиз ва зиндагии босаодати наслҳои имрӯзу ояндаро таъмин менамоем. Ин матлабро Президенти Тоҷикистон, Пешвои миллат муҳтарам Эмомалӣ Раҳмон имрӯз дар шаҳри Роғун зимни мулоқот бо бунёдгарони Неругоҳи барқи обии «Роғун» ва аснои таҳлили вазъи маблағгузории лоиҳаи бузурги бунёди неругоҳ баён намуданд.
Пешвои миллат иброз доштанд, ки сохтмони Неругоҳи барқи обии «Роғун» бо суръати хуб идома дошта, барои дар муҳлати пешбинишуда ба анҷом расонидани он заминаи боэътимод фароҳам оварда шудааст.
Роҳбари давлат муҳтарам Эмомалӣ Раҳмон аз дастовардҳои даврони 35 соли соҳибистиқлолии Тоҷикистон, аз ҷумла бунёду таҷдиди ҳазорҳо километр роҳҳои байналмилалию дохилӣ, неругоҳҳои обӣ, хатҳои интиқоли барқ, зеристгоҳҳо, корхонаҳои саноатӣ ва муассисаҳои таълимиву тандурустӣ ёдовар шуданд.
Таъкид гардид, ки Ҳукумати Тоҷикистон соли 2025 ба сохтмони неругоҳ аз ҳисоби буҷети ҷумҳуриявӣ дар маҷмуъ 8,1 миллиард сомонӣ равона намуд.
Соли 2026 тибқи нақша барои сохтмон 11,4 миллиард сомонӣ пешбинӣ гардидааст. Дар 7 моҳи соли равон барои корҳои сохтмону васлгарӣ аз ҳама манбаъҳои маблағгузорӣ 8,4 миллиард сомонӣ сарф карда шудааст.
Умуман, аз соли 2008 то имрӯз Ҳукумати Тоҷикистон барои корҳои сохтмону барқарорсозии Неругоҳи барқи обии «Роғун» аз ҳисоби буҷети давлатӣ ва дигар манбаъҳо 60,3 миллиард сомонӣ маблағ равона кардааст.
Иттилоъ дода шуд, ки ҳоло дар иншооти неругоҳ зиёда аз 20 ҳазор коргарону кормандони муҳандисиву техникӣ фаъолият дошта, шумораи мошину механизмҳо ба 4000 адад расонида шудааст.
АКС: АМИТ «Ховар»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар вохӯрӣ бо бунёдгарони Неругоҳи барқи обии «Роғун»
Пешвои миллат Эмомалӣ Раҳмон дар шаҳри Роғун бо бунёдгарони Неругоҳи «Роғун» мулоқот намуданд
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Президенти Ҷумҳурии Тоҷикистон Эмомалӣ Раҳмон аз ҷараёни корҳои сохтмонӣ дар дигар мавзеъҳои сохтмони Неругоҳи «Роғун» боздид намуданд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
Сарвари давлат Эмомалӣ Раҳмон бо ҷараёни корҳои сохтмонӣ дар cарбанди Неругоҳи «Роғун» шинос шуданд
Пешвои миллат Эмомалӣ Раҳмон дар Неругоҳи «Роғун» аз хобгоҳи бунёднамудаи ҶСК «Тоҷикгидроэлектромонтаж» боздид намуданд
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
