Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
ДУШАНБЕ, 08.08.2026 /АМИТ «Ховар»/. Имрӯз дар Боғи кӯдакон рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор гардид, иттилоъ медиҳад АМИТ «Ховар».
Дар ин ҳамоиши фарҳангӣ дастовардҳои ноҳияҳои Тоҷикободу Нуробод дар самтҳои фарҳанг, ҳунарҳои мардумӣ, кишоварзӣ ва сайёҳӣ ба маърази тамошо гузошта шуданд.
Дар доираи барнома меҳмонон аз намоиши ҳунарҳои мардумӣ, маҳсулоти кишоварзӣ, таомҳои миллӣ ва офаридаҳои косибони маҳаллӣ дидан намуда, ба санъати волои сокинони ноҳияҳои Тоҷикободу Нуробод баҳои баланд доданд. Ҳамчунин барномаи пурмуҳтавои фарҳангӣ бо иштироки ҳунармандони ноҳияҳо пешниҳоди тамошобинон гардида, фазои идона ва руҳияи баланди ватандӯстиро тақвият бахшид.
Рӯзҳои фарҳангӣ дар доираи таҷлили 35-солагии Истиқлоли давлатии Ҷумҳурии Тоҷикистон бо мақсади муаррифии имконоти фарҳангӣ, ҳифзу эҳёи анъанаҳои миллӣ, таҳкими дӯстиву ҳамдигарфаҳмӣ ва арҷгузорӣ ба мероси фарҳангии миллати тоҷик доир мегарданд.
Ноҳияи Тоҷикобод ҳамсоли соҳибистиқлолии мамлакат аст, яъне соли 1991 таъсис ёфтааст. Қаблан ин мавзеъ дар ҳудуди ноҳияи Ғарм (Рашти ҳозира) ду ҷамоати деҳотро ташкил медод. Бо дастгириҳои Пешвои миллат муҳтарам Эмомалӣ Раҳмон он имрӯз на танҳо ба як ноҳияи мустақил табдил ёфтааст, балки бо манзараҳои дилошӯбу биноҳои навбунёдаш симои як шаҳри замонавиро гирифтааст. Барои истиқболи сазовори ҷашни 35-солагии Истиқлоли давлатӣ дар ноҳия боз беш аз 120 иншоот бунёд хоҳад ёфт. Дар натиҷаи амалӣ намудани бандҳои нақшаи истиқболи ин ҷашни миллӣ 122 ҷойи кори доимӣ таъсис ёфтааст.
Ноҳияи Нуробод аз тарафи шимол бо шаҳри Ваҳдат, аз ҷануб бо ноҳияи Сангвору Муъминобод ҳаммарз мебошад. Масофа аз шаҳри Душанбе то шаҳраки Дарбанд 153 км-ро дар бар мегирад. Ин ноҳия як гӯшаи офтобию биҳиштосои Тоҷикистон аст. Ин ноҳия бо ҳавои тоза, гулу гиёҳҳои шифобахш ва обҳои софу зулолаш машҳур аст. Дар қаламрави ноҳия 1500 чашмаи зулолу шифобахши мавҷуд аст. Дар ҳудуди ноҳия қалъаву ёдгориҳои таърихии кашфнашуда хеле бисёранд, ки метавонанд дар ояндаи наздик ин диёрро чун мавзеи хуби сайёҳиву ҷаҳонгардӣ муаррифӣ намоянд.
АКС: АМИТ «Ховар»
Пешвои миллат Эмомалӣ Раҳмон 15 иншоотро ба таври фосилавӣ дар ноҳияҳои Рашт, Нуробод, Сангвор, Лахш ва Тоҷикобод ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Рашт Мактаби президентӣ барои хонандагони болаёқатро ба истифода доданд
Дар Осорхонаи мероси Покистон гӯшаи мардумшиносии Тоҷикистон бо ёдгориҳои нави фарҳангӣ ва таърихӣ ғанӣ гардид
Сарвари давлат Эмомалӣ Раҳмон бо сафари корӣ ба ноҳияи Рашт ташриф оварданд
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Дар Вашингтон бахшида ба 35-солагии Истиқлоли давлатии Ҷумҳурии Тоҷикистон ҳамоиши тантанавӣ баргузор гардид
Дар Душанбе бо ҳамватанони бурунмарзӣ вохӯрӣ доир шуд
РУШДИ СОҲАИ КИШОВАРЗӢ ДАР ТОҶИКОБОД. Истеҳсоли маҳсулоти кишоварзӣ дар солҳои соҳибистиқлолӣ беш аз 27 маротиба афзоиш ёфт
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
ПЕШВОИ САОДАТОФАР ВА МИЛЛАТИ САОДАТМАНД. Мулоҳизаҳо оид ба 35-солагии Истиқлолияти давлатии Тоҷикистон
Дар Ҳисор маркази забономӯзӣ, муассисаҳои таълимӣ ва нуқтаҳои тиббию дандонпизишкӣ ба истифода дода шуданд
