Рӯзи фарҳанги ноҳияи Ховалинг бо шукуҳу шаҳомати хос баргузор шуд
ДУШАНБЕ, 01.08.2026 /АМИТ «Ховар»/. Имрӯз дар Боғи фарҳангию фароғатии ба номи Садриддин Айнӣ Рӯзи фарҳанги ноҳияи Ховалинг бо шукуҳу шаҳомати хос баргузор гардид, иттилоъ медиҳад АМИТ «Ховар».
Дар ин рӯз сокинон ва меҳмонони пойтахт бо дастовардҳои иҷтимоиву иқтисодӣ, ҳунарҳои мардумӣ, маҳсулоти кишоварзӣ, таомҳои миллӣ ва барномаҳои рангини фарҳангии сокинони ноҳияи Ховалинг аз наздик шинос шуданд.
Меҳмонон бо намоиши маҳсулоти кишоварзӣ, ҳунарҳои мардумӣ, таомҳои миллӣ ва барномаҳои фарҳангиву фароғатӣ шинос шуда, ба маҳорати ҳунармандон, сифати маҳсулоти кишоварзӣ ва фарҳанги волои сокинони ноҳияи Ховалинг баҳои баланд доданд. Чунин иқдом дар муаррифии имконияти иқтисодӣ ва фарҳангии ин минтақаҳо муҳим арзёбӣ карда шуд.
Иброз гардид, ки баргузории рӯзҳои фарҳанги шаҳру ноҳияҳои мамлакат дар шаҳри Душанбе имконият ба вуҷуд овард, то дастовардҳои иқтисодӣ, фарҳангӣ ва иҷтимоии ин ноҳияҳо ба сокинону меҳмонони пойтахт муаррифӣ гардида, анъанаҳои неки миллӣ, ҳунарҳои мардумӣ ва заҳмати созандаи мардуми онҳо бештар тарғиб карда шаванд.
Бояд гуфт, ки Ховалинг як гӯшаи хушобу ҳавои Тоҷикистон аст. Аз рӯи таҳқикоти олимони бостоншинос Ховалинг яке аз марказҳои савдо ва фарҳангии Бухорои Шарқӣ буда, шоҳроҳи Абрешим аз он мегузаштааст. Сарзамини Ховалинг қадимтарин музофоти Тоҷикистон ва Осиёи Марказӣ мебошад. Ин диёри тоҷикон таърихи якмиллионсоларо маҳфуз медорад ва барои илми ҷаҳонӣ чун маъхази бостоншиносӣ хизмат мекунад.
Иқлими Ховалинг субтропикӣ буда, ҳарорати миёнаи ҳавои фасли тобистон аз 30 то 35 дараҷа гарм ва замистон то 15 дараҷа хунук мешавад. Ховалинг диёри офтобию хушманзар буда, дар чор фасли сол табиати зебо ва дилкаш дорад. Ҳамин аст, ки забоншиносону муаррихон вожаи Ховалингро «Хварамунка», яъне Мунки офтобӣ маънидод намудаанд.
Дар ноҳия мавзеъҳои таърихӣ, фарҳангӣ ва табиӣ хеле зиёданд. Ҳусни манзараву боғистонҳо, чашмасорон, шукуҳи Чилчанор, Мамнуъгоҳи Ҳазрати Султон Увайси Қаранӣ, Хоҷа Аюби Ансорӣ, Авлиёи Зелолак, мавзеи чашмаи Қазаған, чашмаи Сурхсақова, манзараҳои нотакрору дилфиреби Дашти мешу Уштурча (дар ин мавзеъ баҳор қариб як моҳ дертар аз Ховалинг меояд) ва дигар мавзеъҳои сайёҳӣ таваҷҷуҳи гардишгаронро бештар ҷалб менамоянд.
АКС: Мақомоти иҷроияи ҳокимияти давлатии ноҳияи Исмоили Сомонӣ
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Пагоҳ Душанбе мизбони Бозиҳои XX Делфии ҷавонони кишварҳои аъзои ИДМ мегардад
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
