Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ДУШАНБЕ, 15.08.2026 /АМИТ «Ховар»/. Тақвияти ҳамкории Донишгоҳи байналмилалии сайёҳӣ ва соҳибкории Тоҷикистон бо донишгоҳҳои шаҳри Шерози Эрон дар меҳвари мулоқоти Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода ва Раиси шаҳри Шерози Ҷумҳурии Исломии Эрон Муҳаммад Ҳасан Асадӣ қарор гирифт. Дар ин хусус АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад.
Убайдулло Асрорзода ташрифи Раиси шаҳри Шероз Муҳаммад Ҳасан Асадиро ба Донишгоҳи байналмилалии сайёҳӣ ва соҳибкории Тоҷикистон омили муҳими таҳкими робитаҳои дӯстӣ ва тавсеаи ҳамкории мутақобили судманд арзёбӣ намуд.
Зимни мулоқот ҷонибҳо доир ба имконияти густариши ҳамкорӣ дар самтҳои маориф ва илм, сайёҳӣ, соҳибкорӣ, технологияҳои рақамӣ, табодули академӣ ва фарҳангӣ мубодилаи афкор намуданд. Таваҷҷуҳи махсус ба ташкили робитаҳои мустақими Донишгоҳ бо муассисаҳои таҳсилоти олии касбӣ ва илмию таҳқиқотии шаҳри Шероз, татбиқи барномаҳои муштараки таълимӣ ва илмӣ, табодули донишҷӯёну омӯзгорон ва баргузории чорабиниҳои муштараки илмию фарҳангӣ зоҳир гардид.
Мусоҳибон имконоти истифодаи иқтидори илмӣ ва таълимии Донишгоҳро дар самти рушди ҳамкории дуҷониба дар соҳаҳои сайёҳӣ ва соҳибкорӣ, омода намудани кадрҳои баландихтисос ва татбиқи ташаббусҳои муштараки инноватсионӣ баррасӣ намуданд.
Ҷонибҳо инчунин дар доираи санадҳои меъёрии ҳуқуқӣ барои таҳкими робитаҳои мустақим, муайян намудани самтҳои нави ҳамкорӣ ва татбиқи ташаббусҳои муштараки барои ҳарду ҷониб судманд изҳори омодагӣ намуданд.
Раиси шаҳри Шероз инчунин бо пойгоҳи моддию техникӣ ва имконияти муосири таълимию илмии донишгоҳ, аз ҷумла шароити мавҷуда барои омода намудани кадрҳои баландихтисос шинос шуда, ба сатҳи инфрасохтор, раванди таълим ва имконияти ҷойдошта баҳои баланд дод.
АКС: Донишгоҳи байналмилалии сайёҳӣ ва соҳибкории Тоҷикистон
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
