Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ДУШАНБЕ, 14.08.2026 /АМИТ «Ховар»/. Раиси шаҳри Шерози Ҷумҳурии Исломии Эрон Муҳаммад Ҳасан Асадӣ ва ҳайати ҳамроҳаш, ки бо сафари расмӣ дар Ҷумҳурии Тоҷикистон қарор доранд, дар Осорхонаи миллии Тоҷикистон бо таъриху тамаддуни куҳанбунёд, мероси фарҳангӣ ва дастовардҳои таърихии халқи тоҷик шинос шуданд. Дар ин хусус АМИТ «Ховар» бо истинод ба Осорхонаи миллии Тоҷикистон иттилоъ медиҳад.
Барои меҳмонон сайри осорхонавӣ ташкил гардида, онҳо аз толорҳои гуногуни намоишии Осорхонаи миллӣ дидан намуданд. Зимни боздид ба меҳмонон намунаҳои нодири мероси таърихию фарҳангӣ, бозёфтҳои арзишманди бостоншиносӣ, ёдгориҳои нодири моддӣ ва дигар осори гаронбаҳои таъриху фарҳанги халқи тоҷик муаррифӣ гардиданд.
Меҳмонон ҳамчунин бо марҳилаҳои муҳими ташаккул ва рушди давлатдории тоҷикон, дастовардҳои фарҳангию илмӣ ва саҳми халқи тоҷик дар рушди тамаддуни ҷаҳонӣ шинос шуданд.
Тамошои толорҳои намоишӣ барои меҳмонон имконият фароҳам овард, ки бо таърихи чандҳазорсолаи миллати тоҷик ва фарҳанги ғании он аз наздик шинос гарданд.
Раиси шаҳри Шерози Ҷумҳурии Исломии Эрон Муҳаммад Ҳасан Асадӣ аз сатҳи баланди ташкили намоишгоҳҳо ва муҳтавои ғании онҳо изҳори қаноатмандӣ намуда, таассуроти неки худро дар китоби «Меҳмонони фахрӣ»-и Осорхонаи миллӣ навишт.
Бояд гуфт, ки пойтахти Тоҷикистон — шаҳри Душанбе ва шаҳри Шерози Эрон бародаршаҳр мебошанд.
АКС: Осорхонаи миллии Тоҷикистон
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
