Шоири халқии Тоҷикистон Ҳадиса Қурбонова аз олам даргузашт

Август 20, 2026 09:02

ДУШАНБЕ, 20.08.2026 /АМИТ «Ховар»/. Шоири халқии Тоҷикистон Ҳадиса Қурбонова аз олам даргузашт. Дар ин хусус ба АМИТ «Ховар» аз Вазорати фарҳанги Чумҳурии Тоҷикистон иттилоъ доданд.

Ҳадиса Қурбонова яке аз чеҳраҳои барҷастаи назми муосири тоҷик ба шумор мерафт. Осори ӯ ба мавзуъҳои муҳими иҷтимоӣ, ахлоқӣ ва ишқумуҳаббат бахшида шуда, дар рушди адабиёти тоҷик нақши мондагор гузоштааст.

Ҳадиса Қурбонова 17 феврали соли 1940 дар деҳаи Шӯркаҳаки ноҳияи Сарихосори вилояти Хатлон таввалуд шудааст. Аз овони мактабхонӣ ба шеъргӯйӣ пардохта, муаллифи китобҳои ашъори «Паймон» (1972), «Шукрона» (1980), «Нури Октябр» (1981), «Сомон» (1984), «Даргоҳи Офтоб» (1986), «Дунёи ҷавонӣ» (1987), «Эҳсон» (2000), «Лоиқ намеояд дигар» (2001), «Мадина» (2003), «Чакомаи Душанбе» (2003), «Сояи миҷгон» (2006), «Ҳилолӣ» (2008) ва ғайра мебошад. Силсилаи очеркҳояш дар матбуоти даврӣ ва маҷмуаҳои «Аз пайроҳа то шоҳроҳ» (1976), «Боғҳои шаҳдрез» (1983), «Теғи одамкуш» (Москва, 2008) ва «Мазҳари Хуршед» (дар ду ҷилд, 2013) ба табъ расидаанд.

Шоир соли 1994 сазовори унвони фахрии «Корманди шоистаи маданияти Ҷумҳурии Тоҷикистон» гардидааст. Соли 2003 барои китоби «Лоиқ намеояд дигар» сазовори Ҷоизаи ба номи Мирзо Турсунзода гардидааст. Шоири халқии Тоҷикистон Ҳадиса Қурбонова ҳамчунин дорандаи нишони фахрии «Аълочии матбуоти Тоҷикистон», «Аълочии фарҳанги Тоҷикистон», «Аълочии маорифи Тоҷикистон» ва Нишони «Сухан»-и Иттифоқи нависандагони Тоҷикистон мебошад.

АКС аз манбаъҳои боз

Август 20, 2026 09:02

Хабарҳои дигари ин бахш

Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад
Нахустнамоиши филми муштараки Тоҷикистону Узбекистон «Дурахши ахтарон: Ҷомӣ ва Навоӣ» баргузор шуд
«ДОСТОНИ ДУШАНБЕ». Китоби нави Шоири халқии Тоҷикистон Давлат Сафар рӯнамоӣ гардид
Дар Файзобод нимпайкараи шоири муосири тоҷик Бозор Собир гузошта шуд
Беҳтарин асарҳои назмию насрӣ дар соли 2026 муайян мегарданд
«ДАР ЧЕҲРААШ НУРИ ХУДО ДОРАД». Таҳти ин унвон бахшида ба Рӯзи Президент намоиши асарҳо баргузор шуд
Дар Душанбе Форуми байналмилалӣ ва намоиши либосҳои миллӣ баргузор гардид
Дар Душанбе маҳфили эҷодии Шоири халқии Тоҷикистон Давлат Сафар баргузор мегардад
Дар кинотеатри «Ватан» нахустнамоиши филми муштараки «Дурахши ахтарон: Ҷомӣ ва Навоӣ» баргузор мешавад