Шурои ҳамоҳангсозии рақамӣ дар соҳаи алоқа таъсис ёфт
ДУШАНБЕ, 21.08.2026 /АМИТ «Ховар»/. 21 август дар шаҳри Ҳисор Шурои ҳамоҳангсозии рақамӣ дар соҳаи алоқа расман ифтитоҳ ёфт. Чорабинӣ ба татбиқи Стратегияи рушди соҳаи алоқа дар Ҷумҳурии Тоҷикистон барои давраи то соли 2040 бахшида шуд. Дар ин хусус ба АМИТ «Ховар» аз Хадамоти алоқаи назди Ҳукумати Ҷумҳурии Тоҷикистон хабар доданд.
Чорабиниро муовини якуми Сарвазири Ҷумҳурии Тоҷикистон, муовини раиси Шуро оид ба рушди иқтисоди рақамии назди Президенти Ҷумҳурии Тоҷикистон Ҳоким Холиқзода ва сардори Хадамоти алоқаи назди Ҳукумати Ҷумҳурии Тоҷикистон, раиси Шурои ҳамоҳангсозии рақамӣ дар соҳаи алоқа Исфандиёри Саъдулло раисӣ карданд.
Дар чорабинӣ намояндагони созмонҳои байналмилалӣ, аз ҷумла ҳамоҳангсози доимии Созмони Милали Муттаҳид дар Тоҷикистон, роҳбарияти Намояндагии доимии Бонки Осиёгии Рушд дар Тоҷикистон, Гурӯҳи Бонки Ҷаҳонӣ ва Дафтари Бонки Аврупоии Таҷдид ва Рушд дар Тоҷикистон иштирок намуданд.
Ҳамчунин, роҳбарони вазорату идораҳо, намояндагони корпуси дипломатӣ, аъзои Шуро ва гурӯҳҳои кории он, филателистон ва намояндагони воситаҳои ахбори омма дар чорабинӣ иштирок намуданд.
Дар доираи чорабинӣ ба муносибати 35-солагии Истиқлоли давлатии Ҷумҳурии Тоҷикистон маркаи ҷашнии почта ба муомилот бароварда шуд. Раисикунандагон ва меҳмонони фахрӣ мӯҳри рӯзи аввалро гузошта, Лифофаҳои рӯзи аввалро ба ҳозирин тақдим карданд.
Ифтитоҳи Шурои ҳамоҳангсозии рақамӣ дар соҳаи алоқа ҳамчун як қадами муҳим дар самти татбиқи ҳамоҳангшудаи Стратегияи рушди соҳаи алоқа то соли 2040 арзёбӣ гардид.
Зимни маросим раиси Шуро, раисон ва ҳамраисони гурӯҳҳои корӣ ва котиботи Шуро ба аъзо ва шарикон расман муаррифӣ шуданд.
Дар идомаи чорабинӣ Эъломияи Шуро ба имзо расида, сана ва мавзуи нахустин ҷаласаи кории он эълон карда шуд.
Шурои ҳамоҳангсозии рақамӣ дар соҳаи алоқа ҳамчун механизми ҳамоҳангсозии татбиқи Стратегияи рушди соҳаи алоқа дар Ҷумҳурии Тоҷикистон барои давраи то соли 2040 таъсис ёфта, барои таҳкими ҳамкории сохторҳои давлатӣ, шарикони рушд ва дигар ҷонибҳои манфиатдор дар самти рушди рақамии соҳа замина фароҳам овард.
Чорабинӣ бо иштироки васеи намояндагони сохторҳои давлатӣ, созмонҳои байналмилалӣ ва ҷомеаи дипломатӣ баргузор шуда, бо дастуру супоришҳои мушаххас ҷамъбаст гардид.
АКС: Хадамоти алоқаи назди Ҳукумати Ҷумҳурии Тоҷикистон
Моҳи сентябри соли 2027 агрегати рақами 4-и неругоҳи «Роғун» ба истифода дода мешавад
Дар вилояти Хатлон қисми бештари кӯдакон аз омодагӣ ба мактаб берун мемонанд
Дар ноҳияи Ашт неругоҳи офтобӣ ба истеҳсоли барқ оғоз намуд
Дар Душанбе Форуми байналмилалии «TajTech – 2026» доир мегардад
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Дар Кумитаи бехатарии озуқаворӣ оид ба пешгирӣ ва муқовимат ба коррупсия вохӯрӣ баргузор шуд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
«ТАБЛИҒГАРОНИ ИСТИҚЛОЛ». Гурӯҳи тарғиботӣ-ташвиқотӣ фаъолияти занони ҳунарманд ва коргоҳҳои истеҳсолиро муаррифӣ менамояд
Тоҷикистон барои бунёди неругоҳи «Роғун» маблағҳои иловагии созмонҳои байналмилалии молиявиро ҷалб менамояд
Сарвари давлат Эмомалӣ Раҳмон Варзишгоҳи миллиро бо 30 ҳазор ҷойи нишаст дар шаҳри Душанбе ифтитоҳ намуданд
Нахустин мулоқоти ҳамоҳангсозони миллии Маркази минтақавии дипломатияи нақлиётӣ баргузор шуд
Дар Бонки миллии Тоҷикистон тақвияти робитаҳои байнибонкии Тоҷикистон ва Ҳиндустон баррасӣ шуд
