«СИЁСАТИ НУРАФЗО». Таҳти ин унвон доир ба нақши Пешвои миллат дар рушди соҳаи энергетика китоби нав ба нашр расид
ДУШАНБЕ, 29.08.2026 /АМИТ «Ховар»/. Доир ба нақши Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар рушди соҳаи энергетика китоби нав бо номи «Сиёсати нурафзо» аз чоп баромад, иттилоъ доданд ба АМИТ «Ховар» аз Кумитаи ҷумҳуриявии Иттифоқи касабаи кормандони энергетикаи Тоҷикистон.
Китоб бо пешниҳод ва зери назари раиси Кумитаи ҷумҳуриявии Иттифоқи касабаи кормандони энергетикаи Тоҷикистон, номзади илмҳои иқтисодӣ Аслиддин Назарзода тавассути нашриёти «Балоғат» ба нашр расидааст.
Тавре дар пешгуфтори китоб дарҷ гардидааст: «Президенти Ҷумҳурии Тоҷикистон муҳтарам Эмомалӣ Раҳмон хеле дақиқ муайян кардаанд, ки «таҳкурсии асоситарини иқтидори иқтисодии ҳар давлат рушди соҳаи энергетика мебошад». Дар солҳои Истиқлолияти давлатӣ барои пойдор мондани ин таҳкурсӣ корҳои зиёде ба сомон расонда шуд».
Китоб аз ду қисм иборат буда, қисми якум дар бораи рушди энергетикаи тоҷик дар солҳои Истиқлолияти давлатӣ маълумот медиҳад. Дар ин қисмат чашмандозе ба таърихи ташаккули соҳаи энергетика ва таҷдиди пайвастаи инфрасохтори он мавҷуд аст.
Қисми дуюми китоб пурра ба Неругоҳи барқи обии «Роғун», аҳаммият ва манфиати он бахшида шудааст. Маълумоти дар китоб дарҷшуда хеле боэътимод буда, тамоми паҳлуҳои ахтари нури Тоҷикистон ва заҳмату корномаи мардуми меҳнатдӯстро дар марзи номус таҷассум менамояд.
Китоб чун армуғони Кумитаи ҷумҳуриявии Иттифоқи касабаи кормандони энергетикаи Тоҷикистон ба муносибати 35-солагии Истиқлолияти давлатӣ таҳия ва нашр гардида, ба сиёсатшиносон, таҳқиқгарони соҳаи энергетика ва оммаи васеи хонандагон пешкаш мегардад.
АКС: Кумитаи ҷумҳуриявии Иттифоқи касабаи кормандони энергетикаи Тоҷикистон
Дар Туркманистон ҷаласаи 95-уми Комиссияи байнидавлатии ҳамоҳангсозии хоҷагии обии Осиёи Марказӣ доир шуд
«Саноатсодиротбонк» ба натиҷаҳои назарраси молиявӣ ноил гардид
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
