СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
ДУШАНБЕ, 14.08.2026 /АМИТ «Ховар»/. Дар арафаи ҷашни 35-солагии Истиқлолияти давлатии Ҷумҳурии Тоҷикистон роҳи мошингарди хиёбони ба номи Раҳмон Набиеви шаҳри Хуҷанд, ки бештар аз 5 километр аст, васеъ карда мешавад. Васеъсозии ин қисмати роҳ аз 6 то 18 метрро ташкил медиҳад, иттилоъ доданд ба АМИТ «Ховар» аз хадамоти матбуоти Раиси вилояти Суғд.
Бояд гуфт, ки ба ифтихори ҷашни 35-солагии Истиқлолияти давлатии Ҷумҳурии Тоҷикистон дар шаҳри Хуҷанд тадбирҳои созандагию ободонӣ марҳила ба марҳила амалӣ гардида, дар асоси нақшаи тарҳрезишуда дар баробари бунёди даҳҳо иншооти истеҳсолию иҷтимоӣ ба таъмиру навсозии роҳу пул ва кӯчаю хиёбонҳо низ таваҷҷуҳ зоҳир мегардад.
Ин тадбири муҳим дар асоси нақша бо маблағгузории Мақомоти иҷроияи ҳокимияти давлатии вилояти Суғд амалӣ гардида, баъди анҷоми корҳо дар ду самт 6 хати ҳаракати воситаҳои нақлиёт пешбинӣ гардидааст.
Пеш аз оғози мумфаршкунӣ бо истифода аз техникаю механизми зарурӣ роҳи мазкур тахту ҳамвор гардида, инфрасохтори коммуналии зери иншоот, ба монанди қубурҳои ташноб пурра иваз карда шуданд. Ҳоло коргарону муҳандисони ширкатҳои пудратӣ корҳои нақшавиро бо сатҳу сифати баланд иҷро менамоянд.
Рӯзҳои наздик мумфарш намудани роҳ аз назди бинои Мақомоти иҷроияи ҳокимияти давлатии вилояти Суғд оғоз мегардад. Ҳамзамон барои фароҳам овардани шароити созгор барои сокинону меҳмонон дар хиёбони ба номи Раҳмон Набиев, дар самти соҳили чапи дарёи Сир сохтмони роҳҳои пиёдгард низ идома дорад.
Роҳи пиёдагард, ки қариб 5 километрро ташкил медиҳад, бо истифода аз сангҳои табиӣ сохта мешавад. То ин замон 80 фоизи корҳо иҷро шуда, масъулон нақша доранд, ки сохтмони роҳи пиёдагардро то ҷашни 35-солагии Истиқлоли давлатӣ пурра ба анҷом расонанд.
Дар соҳили рости дарёи Сир низ дар масофаи бештар аз 5 километр роҳҳои пиёдагард бунёд гардида, барои машғул шудан ба тарбияи ҷисмонӣ дастгоҳу лавозимоти варзишӣ насб карда шудаанд.
АКС: Хадамоти матбуоти Раиси вилояти Суғд
Дар ноҳияи Ашт неругоҳи офтобӣ ба истифода дода мешавад
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
ОМОРИ МУОСИР ВА ЗАРУРАТИ ТАРБИЯИ КАДРҲОИ РАҚОБАТПАЗИР. Андешаҳо дар ин маврид
Сарвари давлат Эмомалӣ Раҳмон дар шаҳри Турсунзода якчанд иншооти иҷтимоӣ, истеҳсолӣ ва хизматрасониро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода муассисаи таҳсилоти миёнаи умумии рақами 21-ро ба истифода доданд
Пешвои миллат Эмомалӣ Раҳмон корхонаи «Ноқили Турсунзода»-ро ифтитоҳ намуданд
35-СОЛАГИИ ИСТИҚЛОЛИ ДАВЛАТӢ. Беш аз 700 метр роҳи кӯчаҳои шаҳраки Адрасмони шаҳри Гулистон мумфарш карда шуд
НИШАСТИ МАТБУОТӢ. Дар иншооти ҷашнии шаҳри Ҳисор 1034 ҷойи кор таъсис дода шудааст
Оид ба таҳкими истиқлоли илмӣ ва рушди он дар замони муосир ҳамоиши ҷумҳуриявӣ доир шуд
