Сулаймон Зиёзода дар ноҳияи Спитамен бо вазъи соҳаҳои пахтакорӣ, боғдорӣ ва токпарварӣ шинос гардид

ДУШАНБЕ, 07.08.2026 /АМИТ «Ховар»/. Муовини Сарвазири Ҷумҳурии Тоҷикистон Сулаймон Зиёзода дар ноҳияи Спитамен бо вазъи корҳои саҳроӣ ва рушди соҳаи кишоварзӣ шинос шуд. Дар ин хусус  АМИТ «Ховар» бо истинод ба Мақомоти иҷроияи ҳокимияти давлатии ноҳияи Спитамен хабар медиҳад.

Муовини Сарвазири мамлакат нахуст бо ҳолати нашъунамои пахта дар хоҷагии деҳқонии «БТК групп» шинос гардид. Инчунин  бо ҳолати рушди киштзор, сифати нигоҳубини зироат, риояи талаботи агротехникӣ ва тадбирҳои амалишаванда барои баланд бардоштани ҳосилнокӣ шинос шуд.

Муовини Сарвазири Ҷумҳурии Тоҷикистон ва Вазири кишоварзии Ҷумҳурии Тоҷикистон аз хоҷагии деҳқонии «Охтеппа»-и Ҷамоати деҳоти Истиқлол боздид намуда, бо раванди парвариш ва нашъунамои токзор шинос шуданд. Ба масъулин ва кишоварзон барои нигоҳубини дурусти токзор, истифодаи технологияҳои пешрафта, баланд бардоштани сифати маҳсулот ва афзоиши ҳаҷми истеҳсоли ангур дастуру тавсияҳои муфид дода шуд.

Ноҳияи Спитамен аз минтақаҳои муҳими кишоварзии вилояти Суғд ба ҳисоб рафта, рушди соҳаҳои пахтакорӣ ва боғдориву токпарварӣ дар таъмини амнияти озуқаворӣ, афзоиши истеҳсоли маҳсулоти кишоварзӣ ва баланд бардоштани сатҳи зиндагии аҳолӣ нақши назаррас дорад.

Дар ноҳия истифодаи самараноки замин, иҷрои босифати корҳои агротехникӣ ва татбиқи усулҳои муосири кишоварзӣ барои таъмини ҳосили фаровон ва рушди устувори соҳа аҳаммияти калон дорад.

АКС: Мақомоти иҷроияи ҳокимияти давлатии ноҳияи Спитамен