Таҷдид ва навсозии гузаргоҳҳои сарҳадӣ бо намояндагони Бонки Осиёии рушд баррасӣ шуд
ДУШАНБЕ, 05.08.2026 /АМИТ «Ховар»/. Масъалаҳои амалисозии лоиҳаҳои таҷдид ва навсозии гузаргоҳҳои сарҳадӣ, аз ҷумла рушди инфрасохтори нуқтаҳои гузаргоҳи гумрукӣ дар доираи ҳамкории минтақавӣ дар мулоқоти маҷозии муовини якуми сардори Хадамоти гумруки назди Ҳукумати ҷумҳурӣ Азим Турсунзода бо намояндагони Бонки Осиёии рушд (БОР) баррасӣ гардиданд.
АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон иттилоъ медиҳад, ки намояндагони Бонки Осиёии рушд сатҳи ҳамкории мутақобилро бо Хадамоти гумруки Тоҷикистон баланд арзёбӣ намуданд. Иттилоъ дода шуд, ки ҳамоҳангсозии минбаъдаи лоиҳаи таҷдиди гузаргоҳи сарҳадии «Фотеҳобод – Ойбек»-ро мутахассиси Бонки Осиёии рушд Ари Каллиокоски ба уҳда мегирад.
Гуфта шуд, ки гузаргоҳҳои «Фотеҳобод – Ойбек», «Саразм» ва «Навбунёд» аз ҷумлаи объектҳои афзалиятноки Бонки Осиёии рушд дар минтақа мебошанд. Бо назардошти афзоиши назарраси ҳаҷми ҳамлу нақли байналмилалӣ зарурати рушди инфрасохтори сарҳадӣ ва баланд бардоштани иқтидори гузаргоҳҳо таъкид карда шуд.
Тавре намояндагони Бонки Осиёии рушд иттилоъ доданд, ин лоиҳаҳо дар доираи Барномаи ҳамкории иқтисодии минтақавии Осиёи Марказӣ (CAREC/ЦАРЭС) амалӣ мегарданд. Барои маблағгузории онҳо дар ҳашт соли оянда ҷалби тақрибан 400 миллион доллари амрикоӣ ба нақша гирифта шудааст.
Муовини якуми сардори Хадамоти гумруки назди Ҳукумати ҷумҳурӣ таъкид намуд, ки байни мақомоти гумруки Тоҷикистон ва Узбекистон мулоқотҳои мунтазами корӣ баргузор мешаванд. Ин вохӯриҳо ба беҳтар гардидани фаъолияти гузаргоҳи «Фотеҳобод – Ойбек» ва коҳиш ёфтани вақти анҷом додани расмиёти гумрукӣ мусоидат менамоянд.
Гуфта шуд, ки татбиқи низоми «Як таваққуфгоҳ» (One Stop Border Post), рақамикунонии низоми гумрукӣ ва ҷорӣ намудани низоми иттилоотии ASYCUDA аз самтҳои афзалиятноки ислоҳоти соҳа ба ҳисоб мераванд.
Дар анҷоми мулоқот ҷонибҳо барои густариши ҳамкорӣ, пешбурди лоиҳаҳои таҷдиди гузаргоҳҳои сарҳадӣ ва ҷалби маблағгузории минтақавӣ ҷиҳати рушди инфрасохтори гумрукӣ изҳори омодагӣ намуданд.
АКС: Хадамоти гумруки назди Ҳукумати Ҷумҳурии Тоҷикистон
Озмуни ҷумҳуриявии «Таҳияи Платформаи рақамии тиҷоратикунонии натиҷаҳои фаъолияти илмӣ ва илмию техникӣ» ҷамъбаст гардид
Масъалаи ҷалби мутахассисони Бонки миллии Тоҷикистон ба барномаи JISPA баррасӣ гардид
Муовини Сарвазири Тоҷикистон бо корҳои саҳроӣ ва таъмини оби полезӣ дар ноҳияи Зафаробод шинос шуд
Барномаи стипендияи Ҷопон дар рушди иқтидори касбии хизматчиёни давлатӣ муаррифӣ шуд
Дар Тошканд дар доираи Барномаи назорати мусофирон ва боркашонӣ вохӯрии солонаи байниминтақавии сатҳи баланд баргузор шуд
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
Дар Душанбе дурнамои рушди ҳамкории иқтисодию сармоягузории Тоҷикистону Туркия баррасӣ гардид
Дар Тоҷикистон истихроҷи намаки ошӣ беш аз 1 фоиз кам гардидааст
ИСТИФОДАИ САМАРАНОКИ ЗАМИН. Дар хоҷагиҳои деҳқонии ноҳияи Хуросон кишти зироат идома дорад
«Амонатбонк» иқдоми «Файзи Истиқлол-35»-ро пешниҳод намуд
Дар Душанбе «Барномаи рушди маъмурикунонии андоз барои солҳои 2026-2030» муаррифӣ гардид
Малакаҳои рақамӣ заминаи рушди иқтисоди рақобатпазири Тоҷикистон мебошанд
