Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
ДУШАНБЕ, 13.08.2026 /АМИТ «Ховар»/. Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд. Дар ин хусус АМИТ «Ховар» бо истинод ба Вазорати энергетика ва захираҳои оби ҷумҳурӣ иттилоъ медиҳад.
Дар заминаи ин ҳамкорӣ татбиқи лоиҳаҳои муҳими энергетикӣ, аз ҷумла бунёди зеристгоҳи нави барқӣ дар шаҳри Душанбе ва таҷдиди Неругоҳи барқи обии «Варзоб-2» дар мулоқоти Вазири энергетика ва захираҳои оби Ҷумҳурии Тоҷикистон Далер Ҷумъа бо муовини парлумонии вазири корҳои хориҷии Ҷопон хонум Эри Арфия дар Душанбе баррасӣ гардид.
Зимни мулоқот ҳолати кунунӣ ва дурнамои рушди муносибатҳои дуҷонибаи Тоҷикистону Ҷопон дар соҳаҳои энергетика ва захираҳои об мавриди баррасӣ қарор гирифт. Ҳамзамон ба густариши ҳамкорӣ дар самти сармоягузорӣ, ҷалби технологияҳои муосир ва истифодаи таҷрибаи пешрафтаи Ҷопон дар рушди соҳаҳои энергетика ва захираҳои оби Тоҷикистон таваҷҷуҳи хосса зоҳир гардид.
АКС: Вазорати энергетика ва захираҳои оби Ҷумҳурии Тоҷикистон
Имрӯз дар ноҳияҳои алоҳидаи Тоҷикистон омадани сел пешгӯӣ мешавад
Эъломияи Душанбе оид ба инноватсия ва технологияҳои рақамӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
