35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
ВАҲДАТ, 01.09.2026 /АМИТ «Ховар»/. Бахшида ба ҷашни 35-солагии Истиқлоли давлатӣ дар назди 12 муассисаи таълимии ҷамоатҳои шаҳраку деҳоти шаҳри Ваҳдат биноҳои иловагӣ бо теъдоди 106 синфхона, 10 ҳуҷраи корӣ, 1 ошхона ва дар деҳаи Амоншайхӣ кӯдакистони хусусӣ барои 180 нафар мавриди истифода қарор дода мешаванд.
Тавре ба хабарнигори АМИТ «Ховар» аз Раёсати маорифи шаҳри Ваҳдат иттилоъ доданд, дар айни замон сохтмони биноҳои иловагии муассисаҳои таълимии деҳаҳои Амоншайхӣ, Кӯҳдоман, Солеҳон, Шоразм, Шеробод, Гирдоб, Ҷепи солеҳ, Шаҳдрез, Ҷартеппа, Ҷавонон, Ҳайталӣ, Боғи мирӣ ва Девдара бо муҳайё намудани 5088 ҷойи нишаст дар ду баст дар арафаи анҷом буда, дар соли нави таҳсил мавриди истифода қарор дода мешаванд.
Биноҳои иловагии муассисаҳои таълимӣ бо дастгирии Мақомоти иҷроияи ҳокимияти давлатии шаҳри Ваҳдат ва соҳибкорону сокинони саховатпеша, шарикони рушд ва муҳоҷирони меҳнатӣ бунёд мегарданд. Имрӯзҳо сохтмони биноҳои иловагии муассисаҳои таълимӣ ва биноҳои асосии мактабҳои нав дар зиёда аз 14 деҳаи ҳудуди шаҳри Ваҳдат оғоз гардида, дар муҳлатҳои муайянгардида ба истифода дода мешавад.
Дар соли таҳсили 2026-2027 муассисаҳои таълимии шаҳри Ваҳдат 11 ҳазору 280 хонандаро ба синфи якум қабул намуданд. Дар соли 2026 синфи 11-ро 6187 нафар хатм намуда, 1800 хонандаи синфи нуҳ ба муассисаҳои миёнаи касбӣ дохил шуданд. Мувофиқи ҳисоботи фаврӣ, дар соли таҳсили 2026-2027 зиёдшавии хонандагон дар муассисаҳои таълимии шаҳри Ваҳдат 3293 нафарро ташкил медиҳад. Аз ин рӯ бунёди синфхонаҳои иловагӣ ва муассисаҳои таълимӣ дар шаҳри Ваҳдат яке аз масъалаҳои муҳим арзёбӣ мегардад.
Субҳониддини МАҲМУД,
АМИТ «Ховар»
АКС: Мақомоти иҷроияи ҳокимияти давлатии шаҳри Ваҳдат
Сабзалӣ Ҷаъфарзода: «Таъсиси Маркази миллии тестӣ аз ҷумлаи ислоҳоти муҳимми соҳаи маориф дар даврони соҳибистиқлолии Тоҷикистон аст»
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Маркази миллии тестӣ натиҷаҳои озмуни тақсимоти такрории давраи сеюми имтиҳонҳои дохилшавиро эълон намуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Байни Маркази барномаҳои байналмилалӣ ва Муассисаи фарҳангии АКК Созишнома оид ба омӯзиши забони ҷопонӣ ба имзо расид
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Давраи чоруми бақайдгирии довталабон барои иштирок дар ИМД-2026 баргузор мегардад
