Дар Ҳамбурги Олмон 35-солагии Истиқлоли давлатии Тоҷикистон таҷлил гардид
ДУШАНБЕ, 22.09.2026 /АМИТ «Ховар»/. Дар шаҳри Ҳамбург бо ташаббуси Консулгарии ифтихории Ҷумҳурии Тоҷикистон дар музофотҳои федералии Ҳамбург ва Шлезвиг-Ҳолштайн ва Сафорати Ҷумҳурии Тоҷикистон дар Ҷумҳурии Федеративии Олмон 35-солагии Истиқлоли давлатии Ҷумҳурии Тоҷикистон дар фазои тантанавӣ таҷлил гардид.
Тавре ба АМИТ «Ховар» аз Сафорати Ҷумҳурии Тоҷикистон дар Ҷумҳурии Федеративии Олмон хабар доданд, дар чорабинӣ намояндагони доираҳои сиёсӣ ва ҷамъиятии Ҳамбург, корпуси дипломатӣ, доираҳои иқтисодию фарҳангӣ ва ҳамватанони муқими Олмон иштирок намуданд.
Сафири Фавқулода ва Мухтори Ҷумҳурии Тоҷикистон дар Олмон Имомудин Сатторов оид ба дастовардҳо дар 35 соли соҳибистиқлолӣ, рушди устувори иқтисодӣ ва имконияти афзояндаи кишвар дар соҳаҳои сармоягузорӣ, саноат, энергетика ва захираҳои маъданӣ сухан гуфт. Ҳамзамон ба таъриху фарҳанги ғанӣ ва мероси адабии халқи тоҷик ҳамчун ҷузъи муҳими ҳувияти миллии он таваҷҷуҳ зоҳир гардид.
Котиби давлатии Вазорати корҳои дохилӣ ва варзиши Ҳамбург Кристоф Ҳолштайн мардуми Тоҷикистонро ба муносибати 35-солагии Истиқлоли давлатӣ табрик гуфта, андешаҳояшро доир ба рушди муносибатҳои Тоҷикистону Олмон дар даврони соҳибистиқлолӣ иброз дошт. Ӯ бо таъкид ба мавқеи Ҳамбург ҳамчун шаҳри тиҷоратӣ ва байналмилалӣ ба нақши мутахассисони хориҷӣ ва фароҳам овардани имконоти нав барои ҷавонон таваҷҷуҳ зоҳир намуд.
Консули ифтихории Ҷумҳурии Тоҷикистон дар музофотҳои федералии Ҳамбург ва Шлезвиг-Ҳолштайн Куруш Пуркиён оид ба рушди робитаҳои Тоҷикистон бо Ҳамбург ва имконоти минбаъдаи тавсеаи ҳамкорӣ суҳбат кард. Ӯ ҳамчунин дар ҳошияи таҷлили 35-солагии Истиқлоли давлатӣ доир ба фаъолияти Консулгарии ифтихорӣ ва таҷрибаи андӯхтаи он дар роҳи таҳкими робитаҳо ва наздиктар намудани ҷонибҳо сухан гуфт.
АКС: Сафорати Ҷумҳурии Тоҷикистон дар Ҷумҳурии Федеративии Олмон
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
