Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
ДУШАНБЕ, 02.09.2026 /АМИТ «Ховар»/. Дар Донишгоҳи аграрии Тоҷикистон ба номи Шириншоҳ Шоҳтемур барои рушди соҳаи занбӯриасалпарварӣ ва омода намудани мутахассисони ин самт ду синфхонаи замонавӣ барои донишҷӯён ба истифода дода шуд.
Тавре аз ин донишгоҳ ба АМИТ «Ховар» иттилоъ доданд, яке аз ин синфхонаҳо ба номи иқтисоддон ва занбӯриасалпарвари соҳибтаҷриба Файзулло Мирзо гузошта шуд.
Синфхона бо таҷҳизоти муосири таълимӣ ва маводи зарурӣ барои омӯзиши назариявӣ ва амалии донишҷӯён муҷаҳҳаз гардида, барои баланд бардоштани сатҳу сифати омодасозии мутахассисони соҳаи занбӯриасалпарварӣ заминаи мусоид фароҳам меорад.
Ректори донишгоҳ Усмон Махмадёрзода гуфт, ки фароҳам овардани шароити муосири омӯзишӣ барои донишҷӯён ба омода намудани мутахассисони баландихтисос ва рушди минбаъдаи соҳаи занбӯриасалпарварӣ мусоидат мекунад.
Ифтитоҳи синфхонаҳои нав дар оғози соли таҳсил аз иқдомҳое ба шумор меравад, ки ба пайванди донишҳои назариявӣ бо таҷрибаи амалӣ, ҳавасмандсозии ҷавонон ба омӯзиши соҳаи занбӯриасалпарварӣ ва тарбияи мутахассисони ҷавону соҳибкасб мусоидат менамояд.
АКС: Донишгоҳи аграрии Тоҷикистон ба номи Шириншоҳ Шоҳтемур
Имрӯз даври ниҳоии Озмуни ҷумҳуриявии «Фурӯғи субҳи доноӣ китоб аст» оғоз мегардад
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
Ғолибони Олимпиадаи байналмилалии химияро дар Фурудгоҳи байналмилалии Душанбе истиқбол гирифтанд
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
