Дар Душанбе оид ба рушди алоқа, инноватсия ва технологияҳои рақамӣ ҳамоиши тантанавӣ баргузор шуд
ДУШАНБЕ, 06.09.2026 /АМИТ «Ховар»/. 4 сентябр дар толори IT-Парки шаҳри Душанбе ба ифтихори 35-солагии Истиқлоли давлатии Ҷумҳурии Тоҷикистон таҳти унвони «Нақши Пешвои миллат муҳтарам Эмомалӣ Раҳмон дар таҳкими Истиқлоли давлатӣ, рушди алоқа, инноватсия ва технологияҳои рақамӣ» ҳамоиши тантанавӣ баргузор гардид. Дар ин хусус ба АМИТ «Ховар» аз Хадамоти алоқаи назди Ҳукумати Ҷумҳурии Тоҷикистон хабар доданд.
Дар чорабинӣ роҳбарият ва кормандони дастгоҳи марказӣ, корхонаву ташкилотҳои тобеи Хадамоти алоқа ва Агентии инноватсия ва технологияҳои рақамии назди Президенти Ҷумҳурии Тоҷикистон, намояндагони ширкатҳои алоқаи мобилӣ иштирок намуданд.
Дар ҷамъомад филми кӯтоҳмуддат дар мавзуи нақши Пешвои миллат муҳтарам Эмомалӣ Раҳмон дар таҳкими Истиқлоли давлатӣ ва рушди алоқа, инноватсия ва технологияҳои рақамӣ намоиш дода шуд.
Сардори Хадамоти алоқа Исфандиёри Саъдулло ва муовини якуми Директори Агентии инноватсия ва технологияҳои рақамӣ Ҳаким Исмоилзод оид ба аҳаммияти Истиқлоли давлатӣ дар рушди соҳаи алоқа, инноватсия ва технологияҳои рақамӣ ибрози андеша намуданд.
Инчунин дар чорабинӣ муовини Раиси Ҳизби Халқии Демократии Тоҷикистон Мирзоқосим Каримзода ва дигарон доир ба аҳаммияти Истиқлоли давлатӣ, таҳкими давлатдорӣ ва нақши он дар рушди ҷомеаи муосири Тоҷикистон сухан намуданд.
Таъкид гардид, ки Истиқлоли давлатӣ барои рушди тамоми соҳаҳои ҳаёти ҷомеа, аз ҷумла алоқа, технологияҳои иттилоотию коммуникатсионӣ, инноватсия ва рақамикунонӣ заминаи мусоид фароҳам овардааст. Дар ин замина, рушди инфрасохтори рақамӣ ва ҷорӣ намудани технологияҳои муосир ҳамчун яке аз самтҳои муҳими рушди иқтисодию иҷтимоии ҷумҳурӣ арзёбӣ гардид.
Дар ҳамоиш ба як қатор кормандон барои фаъолияти самаранок ва саҳми арзандаашон дар рушди соҳаи алоқа, инноватсия ва технологияҳои рақамӣ мукофотҳои соҳавӣ, «Ифтихорнома» ва «Сипоснома»-и Хадамоти алоқа, Агентии инноватсия ва технологияҳои рақамӣ ва Ҳизби Халқии Демократии Тоҷикистон супорида шуд.
АКС: Хадамоти алоқаи назди Ҳукумати Ҷумҳурии Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
Дар даврони соҳибистиқлолии Тоҷикистон боғу токзори нав 2,3 баробар зиёд гардид
Тоҷикистон бо қабули қонунҳои миллӣ барои давлатҳои Осиёи Марказӣ намуна мебошад
НАҚШИ ИСТИҚЛОЛИ ДАВЛАТӢ ДАР ТАҲКИМИ ҲОКИМИЯТИ СУДӢ. Андешаҳо дар ин маврид
Кормандони соҳаи фарҳанг бо мукофотҳои давлатӣ сарфароз гардиданд
Раиси Палатаи ҳисоби Тоҷикистон дар машварати байналмилалӣ дар Чин иштирок намуд
Кормандони соҳаи алоқа бо мукофотҳои давлатӣ сарфароз гардиданд
Беш аз 75 фоизи иқтидори умумии энергетикии Тоҷикистон дар ҳудуди вилояти Хатлон ҷойгир мебошад
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Дар Вазорати корҳои хориҷӣ бахшида ба 35-солагии Истиқлоли давлатӣ чорабинии тантанавӣ баргузор гардид
Кормандони соҳаи телевизион ва радио бо мукофотҳои давлатӣ сарфароз гардонида шуданд
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
