ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
РОҒУН, 04.09.2026 /АМИТ «Ховар»/. Дар партави дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба дастгирию ғамхорӣ нисбат ба ятимон ва бахшида ба 35-солагии Истиқлоли давлатии Ҷумҳурии Тоҷикистон дар Хонаи бачаҳо ва Мактаб-интернати шаҳри Роғун барномаи идона баргузор гардид. Дар ин хусус ба хабарнигори минтақавии АМИТ «Ховар» аз Мақомоти иҷроияи ҳокимияти давлатии шаҳри Роғун иттилоъ доданд.
Дар ҳамоиш роҳбарияти шаҳри Роғун ба хонандагони ятим либоси мактабӣ ва лавозимоти хониш тақдим намуда, дар сари хони идона бо онҳо суҳбати самимӣ намуданд.
Гуфта шуд, ки ғамхорӣ ба ятимону бепарасторон, дастгирии кӯдакону наврасон ва фароҳам овардани шароити мусоид барои таълиму тарбияи онҳо яке аз самтҳои муҳими сиёсати иҷтимоии давлат, хусусан Президенти Ҷумҳурии Тоҷикистон муҳтарам Эмомалӣ Раҳмон мебошад.
Бояд гуфт, ки соҳибкорони бонангу номуси шаҳр бинои нави Хонаи бачаҳои шаҳри Роғунро азнав бунёд карданд, ки дар он барои хонандагони ятим беҳтарин шароит фароҳам оварда шудааст. Хонандагони муассисаи мазкур ҳамеша зери таваҷҷуҳи роҳбарияти шаҳри Роғун ва сарпарасти ин муассиса- Неругоҳи барқи обии «Норак» қарор доранд.
Кӯдакону наврасони ятим барои дастгирӣ ва таваҷҷуҳи ҳамешагӣ ба Ҳукумати мамлакат, хосса ба Пешвои миллат изҳори сипос намуда, иброз доштанд, ки бо истифода аз имконияти фароҳамгардида бо баҳои хубу аъло таҳсил намуда, дар оянда ҳамчун фарзандони шоистаи Ватан ба ҷомеа хизмат менамоянд.
АКС: Мақомоти иҷроияи ҳокимияти давлатии шаҳри Роғун
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
