Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
ДУШАНБЕ, 08.09.2026 /АМИТ «Ховар»/. Бахшида ба 35-солагии Истиқлоли давлатии Ҷумҳурии Тоҷикистон дар шаҳри Исфара гузашти ҳарбӣ баргузор гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Исфара иттилоъ доданд.
Гузашти низомӣ бо иштироки афсарону сарбозони қисмҳои ҳарбӣ, кормандони мақомоти ҳифзи ҳуқуқ, собиқадорон ва ҳайати шахсии захираҳои сафарбарӣ баргузор шуд.
Раиси шаҳри Исфара Шарифҷон Ҷумъазода гуфт, ки яке аз дастовардҳои муҳимтарини замони истиқлол таъсиси Қувваҳои Мусаллаҳи Ҷумҳурии Тоҷикистон мебошад. Артиши миллӣ дар шароити ниҳоят сангини сиёсиву иқтисодӣ бо ташаббуси Президенти Ҷумҳурии Тоҷикистон, Сарфармондеҳи олии Қувваҳои Мусаллаҳ муҳтарам Эмомалӣ Раҳмон поягузорӣ шуда, имрӯз ба сохтори муназзам, пурқудрат ва кафили боэътимоди амнияту тамомияти арзии кишвар табдил ёфтааст.
Таъкид гардид, ки дар даврои соҳибистиқлолӣ дар мамлакат корҳои ободониву созандагӣ вусъати тоза пайдо карданд. Садҳо корхонаю муассисаҳои нав ба кор шуруъ намуда, аксар бино ва иншооти мақомоти давлатӣ, аз ҷумла ҳифзи ҳуқуқу тартибот, амният, соҳаи маорифу тандурустӣ, фарҳанг ва варзиш бунёду навсозӣ гардиданд. Дар ҷумҳурӣ садҳо майдонҳои варзишии хурду бузург, боғу гулгаштҳо бунёд гардидаанд, ки ҳамаи ин самараи истиқлолияти давлатӣ мебошанд.
АКС: Мақомоти иҷроияи ҳокимияти давлатии шаҳри Исфара
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
