Имрӯз дар Душанбе вохӯрии чоруми вазирони саноати СҲИ баргузор гардид
ДУШАНБЕ, 23.09.2026 /АМИТ «Ховар»/. Имрӯз дар шаҳри Душанбе мулоқоти чоруми вазирони саноати кишварҳои аъзои Созмони ҳамкории иқтисодӣ (СҲИ) баргузор гардид. Дар вохӯрӣ намояндагони давлатҳои аъзои Созмон, вазорату идораҳои соҳавӣ, ташкилоти байналмилалӣ, муассисаҳои молиявӣ ва доираҳои соҳибкорӣ иштирок намуданд, иттилоъ медиҳад хабарнигори АМИТ «Ховар».
Дар ҷараёни вохӯрии вазирон дурнамои фаъолгардонии ҳамкории минтақавӣ дар соҳаи саноат, рушди ҳамкории истеҳсолӣ, амалӣ намудани технологияҳои рақамӣ ва «сабз», дастгирии соҳибкории хурду миёна, ҷалби сармоя ва навсозии корхонаҳои саноатӣ мавриди баррасӣ қарор гирифт.
Ба масъалаҳои таъсиси корхонаҳои муштарак ва кластерҳои саноатӣ, рушди робитаҳои нақлиётиву логистикӣ, амалӣ намудани роҳҳалҳои инноватсионӣ, автоматикунонии истеҳсолот, омода намудани кадрҳои соҳибтахассус, инчунин тавсеаи иштироки бахши хусусӣ дар татбиқи лоиҳаҳои муштарак таваҷҷуҳи махсус зоҳир гардид.
Иштирокдорон ҳамчунин бо иқтидори саноатӣ ва сармоягузории Ҷумҳурии Тоҷикистон шинос шуданд. Имконоти ҳамкорӣ дар соҳаҳои истихроҷи маъдан, металлургия, мошинсозӣ, саноати кимиё, нассоҷӣ, дорусозӣ ва коркарди маҳсулоти кишоварзӣ муаррифӣ гардиданд.
Дар ҷамъбасти вохӯрӣ ҷонибҳо барои таҳкими шарикии саноатӣ дар фазои Созмони ҳамкории иқтисодӣ, рушди ташаббусҳои муштараки сармоягузорӣ ва идомаи корҳо оид ба таҳияи «харитаи роҳ»-и амалии ҳамкории минтақавӣ дар соҳаи саноат изҳори омодагӣ намуданд.
Ёдовар мешавем, ки 22 сентябр ҷаласаи сеюми Гурӯҳи коршиносони сатҳи баланди Созмони ҳамкории иқтисодӣ оид ба саноат баргузор гардид. Ҳамчунин имрӯз дар шаҳри Душанбе Форуми дуюми байналмилалии нассоҷӣ-Тоҷикистон–2026 доир гардида, намояндагони мақомоти давлатӣ, соҳибкорон, сармоягузорон ва истеҳсолкунандагони маҳсулоти нассоҷиро ба ҳам овард.
Марзия САИДЗОДА,
АМИТ «Ховар»
АКС: АМИТ «Ховар»
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
Ширкатҳои Тоҷикистон ҳамкориро бо соҳибкорони Ҷопон таҳким мебахшанд
Байни Тоҷикистон ва Қазоқистон Созишнома дар бораи ҳамкории иттилоотӣ дар соҳаи таъминоти нафақа ба имзо расид
Вазири энергетика ва захираҳои оби Тоҷикистон бо лоиҳаҳои рақамикунонии ширкати «KEGOC»-и Қазоқистон шинос шуд
Байни Тоҷикистон ва Қазоқистон дар самти муқовимат ба коррупсия Ёддошти тафоҳум оид ба ҳамкорӣ ба имзо расонида шуд
