Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
ДУШАНБЕ, 22.09.2026 /АМИТ «Ховар»/. Дар доираи баргузории Конфронси байналмилалии илмию назарӣ дар мавзуи «Рӯдакӣ–эҳёгари андеша ва фарҳанги миллӣ» ба муносибати Рӯзи Рӯдакӣ аз ҷониби Академияи миллии илмҳои Тоҷикистон ва Институти забон ва адабиёти ба номи Абуабдуллоҳ гурӯҳе аз олимону муҳаққиқони маъруфи Ҷумҳурии Тоҷикистон, Ҷумҳурии Исломии Эрон ва иштирокчиёни конфронс аз Осорхонаи миллии Тоҷикистон боздид намуданд. Дар ин хусус АМИТ «Ховар» бо истинод ба осорхона иттилоъ медиҳад.
Ҳайати олимону муҳаққиқон зимни боздиди толорҳои намоишии Осорхонаи миллӣ бо намунаҳои нодири мероси таърихию фарҳангии халқи тоҷик, бозёфтҳои бостоншиносӣ, осори хаттӣ, намунаҳои санъати тасвирӣ ва ҳунарҳои мардумӣ шинос гардиданд.
Ба иштирокчиёни конфронс оид ба таърихи ташаккули давлатдорӣ ва фарҳанги тоҷикон, тамаддунҳои бостонии сарзамини Тоҷикистон, инчунин нақши мероси илмию адабии даврони Сомониён дар рушди фарҳанги миллӣ маълумоти муфассал пешниҳод гардид.
Меҳмонон махсусан ба маводи марбут ба давраи Сомониён ва мероси фарҳангии замони Абуабдуллоҳи Рӯдакӣ таваҷҷуҳ зоҳир намуда, аз арзиши илмӣ ва таърихии нигораҳои Осорхонаи миллӣ изҳори қаноатмандӣ карданд.
Ҳамзамон меҳмонон намоиши нави Осорхонаи миллиро таҳти унвони «Модарнома» тамошо намуданд. Ба онҳо оид ба таърихи офариниши шоҳкорҳои нодири устоди барҷастаи санъати тасвирии тоҷик Сабзаалии Шариф маълумоти муфассал пешниҳод карда шуд.
Боздиди олимону муҳаққиқон аз Осорхонаи миллӣ дар доираи ҳамоиши байналмилалии илмӣ барои таҳкими робитаҳои фарҳангию илмӣ, муаррифии таъриху тамаддуни тоҷикон ва таҳкими ҳамкории илмӣ байни муассисаҳои илмию фарҳангии Тоҷикистону Эрон аҳаммияти муҳим дорад.
АКС: Осорхонаи миллии Тоҷикистон
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Бинои нави маъмурии Муассисаи давлатии «Мамнуъгоҳи таърихию фарҳангии Ҳисор» ба истифода дода шуд
