«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
ДУШАНБЕ, 22.09.2026 /АМИТ «Ховар»/. Дар доираи таҷлили бошукуҳи 35-солагии Истиқлоли давлатии Ҷумҳурии Тоҷикистон бо ташаббуси Кумитаи иҷроияи Ҳизби Халқии Демократии Тоҷикистон дар вилояти Суғд дар Донишгоҳи давлатии ҳуқуқ, бизнес ва сиёсати Тоҷикистон таҳти унвони «Истиқлол – ганҷи миллат, бақои давлат» ҳамоиши ҷумҳуриявӣ баргузор гардид. Дар ин хусус ба АМИТ «Ховар» аз Кумитаи иҷроияи марказии ҳизб хабар доданд.
Иброз гардид, ки Истиқлоли давлатӣ барои миллати тоҷик ҳамчун арзиши муқаддасу сарнавиштсоз заминаи устувори бунёди давлатдории миллӣ, таҳкими худшиносии миллӣ ва рушди ҳамаҷонибаи кишварро фароҳам овардааст. Дар ин раванд Ҳизби Халқии Демократии Тоҷикистон ҳамчун неруи сиёсӣ дар татбиқи ҳадафҳои созанда ва пешбурди масъалаҳои муҳими давлатдорӣ нақши назаррас дорад.
Ҳамчунин изҳор шуд, ки таҳкими пояҳои истиқлолу ваҳдати миллӣ, ҳифзи дастовардҳои даврони соҳибистиқлолӣ ва тарбияи насли ҷавон дар руҳияи ватандӯстӣ, худшиносии миллӣ ва эҳтиром ба арзишҳои миллӣ аз ҷумлаи вазифаҳои муҳим ба шумор мераванд.
Таҷлили 35-солагии Истиқлоли давлатии Ҷумҳурии Тоҷикистон на танҳо арҷгузорӣ ба яке аз муҳимтарин рӯйдодҳои таърихи навини мамлакат, балки василаи таҳкими ҳисси ифтихори миллӣ, худшиносӣ ва масъулияти ҳар шаҳрванди Тоҷикистон дар назди Ватан мебошад.
Дар фарҷоми ҳамоиш як зумра фаъолони ҳизб барои саҳми арзанда дар баланд бардоштани нуфузу мавқеи Ҳизби Халқии Демократии Тоҷикистон дар ҷомеа ва фаъолияти пурсамар дар самти татбиқи ҳадафҳои созандаи ҳизб бо Сипосномаи Кумитаи иҷроияи марказии ҳизб қадрдонӣ карда шуданд.
АКС: Кумитаи иҷроияи марказии Ҳизби Халқии Демократии Тоҷикистон
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
