«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
ДУШАНБЕ, 22.09.2026 /АМИТ «Ховар»/. Дар Китобхонаи миллии Тоҷикистон таҳти унвони «Нақши Пешвои миллат муҳтарам Эмомалӣ Раҳмон дар эҳё ва муаррифии тамаддуни ориёӣ» маҳфили навбатии «Тоҷикшиносӣ» барои таҳияи Консепсияи Конуни тамаддуни ориёӣ доир шуд. Дар ин хусус ба АМИТ «Ховар» аз китобхона хабар доданд.
Дар маҳфил иштирокчиён доир ба арзиши омӯзиши таърихи бостонии миллати тоҷик, эҳёи хотираи таърихӣ, ҳифзи мероси фарҳангии ниёгон ва нақши Пешвои миллат муҳтарам Эмомалӣ Раҳмон дар таҳкими худшиносии миллӣ ва муаррифии мероси тамаддуни тоҷикон дар арсаи байналмилалӣ ибрози андеша намуданд. Инчунин ба масъалаҳои таърихи тамаддуни ориёӣ, аҳамияти омӯзиши сарчашмаҳои таърихию фарҳангӣ, эҳёи арзишҳои миллӣ ва ташаббусҳои Сарвари давлат дар самти таҳкими худшиносии таърихӣ таваҷҷуҳи махсус зоҳир гардид.
Иброз гардид, ки дар даврони Истиқлоли давлатӣ омӯзиш ва муаррифии мероси таърихию фарҳангии тоҷикон ба яке аз самтҳои муҳимми сиёсати фарҳангии Ҳукумати мамлакат табдил ёфтааст. Эълон гардидани соли 2006 ҳамчун «Соли тамаддуни ориёӣ», эҳёи ҷашнҳои миллӣ, таҷлили санаҳои муҳими таърихию фарҳангӣ ва муаррифии ёдгориҳои бостонии мамлакат аз ҷумлаи иқдомҳое мебошанд, ки ба таҳкими хотираи таърихӣ ва худшиносии миллӣ мусоидат менамоянд.
Китобхонаи миллии Тоҷикистон ҳамчун махзани бузурги мероси хаттӣ ва ниҳоди илмӣ-фарҳангӣ дар ҷамъоварӣ, ҳифз, таҳқиқ ва муаррифии сарчашмаҳои марбут ба таърих ва фарҳанги тоҷикон нақши қобили таваҷҷуҳ дорад. Маҳфилҳои «Тоҷикшиносӣ» низ ҳамчун минбари илмӣ барои омӯзиш ва баррасии масъалаҳои мубрами таърих, фарҳанг, забон, адабиёт ва давлатдории тоҷикон хизмат мекунанд.
Маҳфил ба омӯзиши амиқи мероси таърихию фарҳангии ниёгон, таҳкими худшиносии миллӣ ва муаррифии саҳми тоҷикон дар ташаккули тамаддуни минтақа ва ҷаҳон равона гардидааст.
АКС: Китобхонаи миллии Тоҷикистон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
