Ниҳодҳои олии аудити Тоҷикистон ва Чин ҳамкориро тақвият мебахшанд
ДУШАНБЕ, 02.09.2026 /АМИТ «Ховар»/. Самтҳои афзалиятнок дар соҳаи аудити давлатӣ ва дурнамои рушди ҳамкорӣ дар соҳа 31 август дар Ҷумҳурии Мардумии Чин зимни мулоқоти Раиси Палатаи ҳисоби Ҷумҳурии Тоҷикистон Ҷамшед Каримзода бо аудитори генералии Идораи миллии аудити Чин Ҳоу Кай баррасӣ шуданд.
Тавре ба АМИТ «Ховар» аз бахши иттилоот ва кор бо воситаҳои ахбори оммаи Палатаи ҳисоб хабар доданд, дар вохӯрӣ ба истифодаи технологияҳои иттилоотӣ ва воситаҳои зеҳни сунъӣ дар равандҳои аудит таваҷҷуҳи хосса зоҳир карда шуд. Ҷонибҳо эътироф намуданд, ки технологияҳои муосир метавонанд ба баланд бардоштани самаранокӣ, далелҳои аудиторӣ ва арзёбии хавфҳои аудит мусоидат намуда, барои беҳтар намудани шаффофияти идоракунии давлатӣ заминаи муҳим гузоранд.
Ҳамчунин мусоҳибон таҷрибаи пешқадам ва самтҳои нави татбиқи зеҳни сунъиро дар самти аудит мавриди баррасӣ қарор дода, тасмим гирифтанд, ки дар соҳаҳои мутақобили судманд тавассути табодули таҷриба, ташкили машғулияти такмили ихтисос ва анҷом додани таҳқиқоти муштарак ҳамкориро боз ҳам тақвият бахшанд.
Дар ин раванд ба рушди усулҳои аудит, аз ҷумла аудит дар асоси хавфҳо, таҳлили маълумоти ҳаҷмнок ва аудити экологӣ диққати махсус зоҳир карда шуд. Ҳадафи ин тадбирҳои судманд баланд бардоштани иқтидори ниҳодҳо дар самти таъмини ҳисоботдиҳии шаффоф ва масъулиятшиносии давлатӣ мебошад.
АКС: Палатаи ҳисоби Ҷумҳурии Тоҷикистон
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
