Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
ДУШАНБЕ, 02.09.2026 /АМИТ «Ховар»/. Президенти Фонди ОПЕК оид ба рушди байналмилалӣ доктор Абдулҳамид Алхалифа дар доираи сафари корӣ ба Ҷумҳурии Тоҷикистон дар Донишгоҳи байналмилалии сайёҳӣ ва соҳибкории Тоҷикистон бо дастовардҳо, имконоти таълимию илмӣ, инфрасохтори муосир ва самтҳои афзалиятноки рушди муассиса шинос гардид.
АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки дар доираи боздид аз донишгоҳ Президенти Фонди ОПЕК оид ба рушди байналмилалӣ доктор Абдулҳамид Алхалифа бо Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода мулоқот намуд. Зимни он масъалаҳои тавсеаи ҳамкории мутақобили судманд, дастгирии ташаббусҳои донишгоҳ, рушди инфрасохтори таълимӣ, таҳкими заминаи моддию техникӣ, рақамикунонӣ, рушди малакаҳои касбӣ, соҳибкории ҷавонон ва татбиқи лоиҳаҳои дорои аҳаммияти иҷтимоию иқтисодӣ баррасӣ шуданд.
Ҳамзамон ба ҳайати Фонди ОПЕК якчанд лоиҳаҳои афзалиятноки сармоягузории донишгоҳ муаррифӣ гардиданд, ки ба таъсиси инфрасохтори муосири таълимӣ, рушди технологияҳои рақамӣ ва зеҳни сунъӣ, ташаккули кампуси сабз, дастгирии соҳибкории ҷавонон ва такмили низоми омодасозии кадрҳо барои соҳаҳои сайёҳӣ ва хизматрасонӣ равона шудаанд.
Доктор Абдулҳамид Алхалифа аҳаммияти сармоягузорӣ ба маориф, рушди неруи инсонӣ ва фароҳам овардани имконияти навро барои ҷавонон таъкид намуд.
Боздиди Президенти Фонди ОПЕК оид ба рушди байналмилалӣ ба Донишгоҳи байналмилалии сайёҳӣ ва соҳибкории Тоҷикистон дар самти таҳкими ҳамкорӣ, муаррифии имконияти нави сармоягузорӣ ва фароҳам овардани замина барои татбиқи ташаббусҳои муштарак қадами муҳим арзёбӣ мегардад.
АКС: Донишгоҳи байналмилалии сайёҳӣ ва соҳибкории Тоҷикистон
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
Дар Душанбе форум ва намоишгоҳи байналмилалии сайёҳӣ доир мегардад
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Кумитаи рушди сайёҳӣ барои рушди соҳа ва тарғиби имконоти сайёҳии Тоҷикистон озмун эълон намуд
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
