Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
ДУШАНБЕ, 21.09.2026 /АМИТ «Ховар»/. 19-20 сентябри соли 2026 дар Қасри теннис ва маҷмааи варзиши обии шаҳри Душанбе дуюмин Ҷоми ҷаҳон оид ба самбо дар сатҳи баланд баргузор гардид. Дар он варзишгарони тоҷик ҳунар ва маҳорати арзанда нишон дода, соҳиби 8 медали ифтихорӣ (2 тилло, 2 нуқра ва 4 биринҷӣ) гардиданд.
Варзишгари шинохтаи тоҷик Рамазон Ҷумаев дар вазни то 88 кг дар Ҷоми ҷаҳон оид ба самбо -2026 дар шаҳри Душанбе аз намуди самбои размӣ соҳиби медали тилло гардид. Дар финал Рамазон Ҷумаев бар намояндаи Қазоқистон Ерсултон Дуйсенгазин зафар ёфт.
Ҳамчунин 20 сентябр аз намуди самбои размӣ Сиёвуш Солиҳов дар вазни 58 кг, Беҳрӯз Ҳалимов дар вазни 71 кг ва Баҳромҷон Имомзода дар вазни 98 кг соҳиби медалҳои биринҷӣ шуданд.
Хотиррасон мешавем, ки дар рӯзи якуми Ҷоми ҷаҳон оид ба самбо дар шаҳри Душанбе паҳлавони ҷавони тоҷик Анӯшервон Назарзода қаҳрамони Ҷоми ҷаҳони самбо дар соли 2026 гардид.
Анушервон Назарзода дар вазни то 58 кг дар Ҷоми ҷаҳон оид ба самбо-2026 аз намуди самбои варзишӣ соҳиби медали тилло гардид.
Дар финал Анӯшервон Назарзода бар намояндаи Қазоқистон Алибек Калимов бо ҳисоби калони 4:0 ғалаба кард. Ҳамчунин аз намуди самбои варзишӣ паҳлавони шинохтаи тоҷик Комроншоҳ Устопириён дар вазни то 98 кг соҳиби медали биринҷӣ гардид. Инчунин аз намуди самбо барои нобиноён (SVI1) Шоҳрух Назаров дар вазни то 79 кг ва Раҷаб Ҳусейнов дар вазни то 98 кг соҳиби медалҳои нуқра шуданд.
Меҳрони ҚУРБОН,
шореҳи варзиши АМИТ «Ховар»
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
