Сафири Тоҷикистон бо намояндагони ҷомеаи тоҷикон дар шаҳри Ню-Йорк вохӯрӣ намуд
ДУШАНБЕ, 24.09.2026 /АМИТ «Ховар»/. Дар шаҳри Ню-Йорк Сафири Фавқулода ва Мухтори Ҷумҳурии Тоҷикистон дар Иёлоти Муттаҳидаи Амрико Завқӣ Завқизода бо намояндагони ҷомеаи тоҷикон аз иёлатҳои Ню-Йорк, Ню-Ҷерсӣ ва Пенсилвания вохӯрӣ намуд.
Тавре ба АМИТ «Ховар» аз Сафорати Ҷумҳурии Тоҷикистон дар Иёлоти Муттаҳидаи Амрико хабар доданд, дар вохӯрӣ масъалаҳои вобаста ба фаъолияти ҷомеаи тоҷикон, густариши ҳамкории Сафорат бо ҳамватанон, инчунин консулӣ баррасӣ гардиданд.
Сафир иброз намуд, ки ҳифзу ҳуқуқу манфиатҳои шаҳрвандони бурунмарзӣ, бахусус ҷомеаи тоҷикони Амрико зери таваҷҷуҳи аввалиндараҷаи Президенти Ҷумҳурии Тоҷикистон муҳтарам Эмомалӣ Раҳмон қарор дорад. Сафорат барои иҷрои дастуру супоришҳои Роҳбари давлат, Ҳукумати мамлакат ва Вазорати корҳои хориҷии Ҷумҳурии Тоҷикистон дар самти ҳифзу ҳуқуку манфиатҳои тоҷикон мунтазам тадбирҳои дахлдор меандешад.
Инчунин таъкид гардид, ки бо шарофати сиёсати хирадмандонаи роҳбарони ҳарду давлат- Президенти Ҷумҳурии Тоҷикистон муҳтарам Эмомалӣ Раҳмон ва Президенти Иёлоти Муттаҳидаи Амрико муҳтарам Доналд Трамп ҳамкории дуҷониба байни Тоҷикистон ва ИМА дар ҳама самтҳо ба сатҳи баланд баромаданд. Ин барои фаъолияти тоҷикони Амрико заминаи бисёр хуб фароҳам овардааст.
Аъзои ҷомеаи тоҷикон дар Иёлоти Муттаҳидаи Амрико оид ба масъалаҳои мавриди таваҷҷуҳи ҳамватанон ва роҳҳои густариши ҳамкории минбаъда бо Сафорат баёни андеша намуданд. Аз ҷумла, оид ба ташкили чорабиниҳои фарҳангиву ҷамъиятӣ, иштироки фаъоли ҳамватанон дар чорабиниҳои марбут ба муаррифии таърих ва фарҳанги тоҷикон, ҳифз ва тарғиби забони тоҷикӣ, инчунин густариши робита бо намояндагони ҷомеаи тоҷикон пешниҳодҳои мушаххас баён гардиданд.
Сафир таклифу пешниҳодҳои шаҳрвандонро мувофиқи мақсад шуморида, изҳор намуд, ки Сафорати Ҷумҳурии Тоҷикистон рушди робитаҳои доимӣ бо ҷомеаи тоҷикон ва ташаббусҳои созандаву судманди онҳоро дастгирӣ менамояд. Дар ин замина зарурати иштироки фаъолонаи ҳамватанон бо ҳисси баланди ватандӯстӣ дар муаррифии таъриху фарҳанги сертамаддуни тоҷик ва дастовардҳои Тоҷикистон таъкид гардид.
АКС: Сафорати Ҷумҳурии Тоҷикистон дар Иёлоти Муттаҳидаи Амрико
Маҷаллаи «The Times Kuwait» зери унвони «Тоҷикистон: кӯлҳои кӯҳистонӣ, достонҳои куҳан ва меҳмоннавозии гарм» матлаб нашр кардааст
Сафири Тоҷикистон бо устондори Ал-Ҷаҳрои Кувайт вохӯрӣ намуд
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Дар шаҳри Путраҷая мулоқоти ҳайатҳои вазоратҳои корҳои хориҷии Тоҷикистон ва Малайзия баргузор шуд
Идибек Қаландар бо Дабири кулли Вазорати корҳои хориҷии Малайзия мулоқот намуд
Сафири Тоҷикистон бо муовини Котиби давлатии ИМА Кристофер Ландау мулоқот намуд
Рушди ҳамкории Тоҷикистону Олмон дар бахшҳои сиёсӣ ва иқтисодӣ баррасӣ гардид
Сафири Тоҷикистон дар Корея бо раиси ширкати KOTA seed potato Co. Ltd. мулоқот намуд
Муносибатҳои дуҷонибаи Тоҷикистон ва Эрон баррасӣ гардиданд
Ҳамкории Тоҷикистону Озарбойҷон дар соҳаи тағйирёбии иқлим ва ҳифзи муҳити зист баррасӣ шуд
Даври 4-уми Шарҳи универсалии даврии Тоҷикистон дар Женева баргузор шуд
Дар Женева доир ба дастовардҳои Тоҷикистон дар 35 соли истиқлоли давлатӣ ва таҳкими ҳифзи ҳуқуқи инсон чорабинии сатҳи баланд доир шуд
