Тоҷикистон ва Кувайт ҳамкории байнибонкиро тақвият медиҳанд
ДУШАНБЕ, 04.09.2026 /АМИТ «Ховар»/. Тоҷикистон ва Кувайт ҳамкории байнибонкиро тақвият мебахшанд. Ин масъала зимни мулоқоти раиси Бонки миллии Тоҷикистон Фирдавс Толибзода бо Сафири Фавқулода ва Мухтори Давлати Кувайт дар Ҷумҳурии Тоҷикистон Муҳаммад Рошид Ал-Амирӣ баррасӣ гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Дар вохӯрӣ масъалаҳои марбут ба густариши ҳамкории дуҷониба ва тақвияти робитаҳо байни низомҳои бонкию молиявии Ҷумҳурии Тоҷикистон ва Давлати Кувайтро баррасӣ шуданд.
Ҷонибҳо ҳавасмандии худро ҷиҳати ба роҳ мондан ва тавсеаи ҳамкории мустақим байни низомҳои бонкии ду кишвар, рушди муносибатҳои муросилотӣ баён намуда, аҳаммияти мубодилаи таҷриба ва дониш дар самтҳои муосири фаъолияти низоми молиявӣ, аз ҷумла рақамикунонӣ, технологияҳои иттилоотӣ, амнияти киберӣ, комплаенс ва истифодаи зеҳни сунъиро дар бахши бонкӣ таъкид карданд.
Дар идома раиси Бонки миллӣ ҳавасмандии ҷониби Тоҷикистонро ба рушди минбаъдаи бахши суғурта ва омӯзиши таҷрибаи Давлати Кувайт дар ин самт изҳор намуд. Инчунин, бо назардошти таҷрибаи Давлати Кувайт дар соҳаи молияи исломӣ ба густариши ҳамкорӣ, мубодилаи таҷриба ва омӯзиши таҷрибаи пешқадам дар самти бонкдории исломӣ баён карда шуд.
Дар анҷоми мулоқот ҷонибҳо омодагии худро барои идомаи муколамаи созанда ва андешидани тадбирҳои амалӣ ҷиҳати таҳкими ҳамкории мутақобилан судманд байни низомҳои молиявию бонкии Ҷумҳурии Тоҷикистон ва Давлати Кувайт изҳор намуданд.
АКС: Бонки миллии Тоҷикистон
Дар Минск масъалаҳои рушди ҳамкории геологӣ дар доираи ИДМ баррасӣ гардиданд
Дар вилояти Суғд ҳар сол қариб дар 35 ҳазор гектар кишти такрорӣ гузаронида мешавад
Густариши робитаҳои мустақими соҳибкорӣ байни Тоҷикистон ва Эрон баррасӣ гардид
Рушди робитаҳои тиҷоратию сармоягузории бахши хусусӣ байни Тоҷикистон ва Чин баррасӣ карда шуд
Дурнамои ҳамкорӣ байни вазоратҳои молияи Тоҷикистон ва Полша баррасӣ гардид
Масоили соҳаи роҳсозӣ ва роҳдорӣ дар Осиёи Марказӣ дар Конфронси панҷуми байналмилалии CARS-2026 дар Душанбе баррасӣ гардид
Ҳайати Тоҷикистон дар ҷаласаи Шурои ҳамоҳангсозии роҳбарони мақомоти тафтиши андозии кишварҳои аъзои ИДМ иштирок намуд
«Shohin Airlines» як ҳавопаймои навъи L-410-ро вориди парки ҳавопаймоҳояш намуд
Дар Брест ҷаласаи 83-юми Шурои роҳбарони хадамоти гумруки давлатҳои ИДМ баргузор гардид
Форуми «CAPIF-5» дар Душанбе ба таҳкими пайвастагии рақамӣ ва рушди ҳамкории интернетии Осиёи Марказӣ бахшида шуд
Файзиддин Қаҳҳорзода ва Лорд Ҷон Алдердайс самтҳои афзалиятноки соҳаҳои идоракунии молияи давлатӣ ва рақамикунониро баррасӣ намуданд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
