Академияи идоракунии давлатии Тоҷикистон бо Ҷамъияти ҳуқуқшиносони Шанхай ҳамкориро тақвият медиҳад
ДУШАНБЕ, 15.10.2026 /АМИТ «Ховар»/. Тавсеаи ҳамкории байналмилалӣ дар соҳаи ҳуқуқшиносӣ, густариши пажуҳишҳои муштараки ҳуқуқи байналмилалӣ ва таҳкими муколамаи илмию касбӣ 14 октябр зимни мулоқоти ректори Академияи идоракунии давлатии назди Президенти Ҷумҳурии Тоҷикистон Даврон Сафарзода бо ҳайати намояндагони Ҷамъияти ҳуқуқшиносони Шанхайи Ҷумҳурии Мардумии Чин баррасӣ гардид. Дар ин хусус АМИТ «Ховар» бо истинод ба Академияи идоракунии давлатӣ хабар медиҳад.
Дар мулоқот ҷонибҳо доир ба масъалаҳои мубрами таҳкими волоияти қонун, такмили заминаҳои ҳуқуқии идоракунии давлатӣ, тавсеаи ҳамкории илмию таҳқиқотӣ ва табодули таҷрибаи пешқадами ҳуқуқшиносӣ мубодилаи афкор намуданд.
Таваҷҷуҳи махсус ба таҷрибаи ҳамкории судманди академия бо Донишгоҳи сиёсат ва ҳуқуқи Шанхай зоҳир шуда, нақши табодули донишҷӯён, ташкили таҷрибаомӯзиҳои илмӣ ва иштироки омӯзгорону муҳаққиқон дар барномаҳои байналмилалӣ дар таҳкими иқтидори илмию касбӣ муҳим арзёбӣ гардид.
Ҷониби Академияи идоракунии давлатӣ омодагии худро барои густариши ҳамкории судманд бо Ҷамъияти ҳуқуқшиносони Шанхай иброз намуданд.
Таъкид гардид, ки таҳкими шарикии дарозмуддат бар пояи эҳтироми мутақобил, эътимоди тарафайн ва манфиатҳои муштарак ба рушди минбаъдаи робитаҳои илмию ҳуқуқӣ мусоидат хоҳад намуд.
АКС: Академияи идоракунии давлатии назди Президенти Ҷумҳурии Тоҷикистон
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
Ғолибони Олимпиадаи байналмилалии химияро дар Фурудгоҳи байналмилалии Душанбе истиқбол гирифтанд
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
