Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
ДУШАНБЕ, 18.10.2026 /АМИТ «Ховар»/. 16 октябр дар шаҳри Нанкини Чин байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид. Дар ин хусус ба АМИТ «Ховар» аз Иттифоқи журналистони Тоҷикистон иттилоъ доданд.
Созишномаро раиси Иттифоқи журналистони Тоҷикистон Зинатуллоҳ Исмоилзода ва президенти Ассосиатсия умумичинии журналистон Хэ Пин имзо намуданд.
Созишнома аз панҷ модда иборат мебошад. Тибқи ин санад, Иттифоқи журналистони Тоҷикистон ва Ассотсиатсияи умумичинии журналистон тасмим гирифтаанд, ки ҳамкорӣ ва табодули таҷрибаро дар самти воситаҳои ахбори омма тақвият бахшанд.
Инчунин дар асоси ин санад, ташкили боздидҳои мутақобилаи намояндагони расонаҳои хабарӣ, баргузории ҳамоишҳои журналистӣ, даврҳои такмили ихтисоси журналистон ва омӯзгорони ихтисосҳои рӯзноманигорӣ, таҷрибаомӯзии намояндагони расонаҳо, мулоқотҳои фарҳангӣ ва дигар чорабиниҳо ба нақша гирифта шудааст.
Ҳамзамон Созишномаи ҳамкорӣ дар таъсис ва рушди муштараки механизми «Хонаи журналистони Тоҷикистону Чин» мусоидат менамоянд.
Бояд гуфт, ки бо шарофати сиёсати дурандешонаи Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин муҳтарам Син Ҷинпин робитаҳои ду кишвари дӯсту ҳамсоя дар соҳаҳои гуногун тақвият меёбанд.
АКС: Иттифоқи журналистони Тоҷикистон
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
Дар нуҳ моҳи соли равон 86 муассисаи КАТС ба истифода дода шуд
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
МАСЛИҲАТИ МУТАХАССИС. Тарбуз, харбуза ва каду дар таркиби худ витамини C ва А бештар доранд
Масъалаи дастрасии аҳолии минтақаҳои дурдаст ба кумаки аввалияи тиббию санитарӣ баррасӣ шуд
Неругоҳҳои барқи обии «Норак» ва «Бойғозӣ» барои гузаронидани мавсими сармо омода мебошанд
Дар Душанбе нахустин Анҷумани саратоншиносон ва радиологҳои Тоҷикистон доир шуд
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
Дар Душанбе иди бостонӣ ва миллии мо-Меҳргон бо шаҳомати хосса доир мегардад
Намояндагони Суди Олии Тоҷикистон дар Форуми байналмилалии судяҳо оид ба моликияти зеҳнӣ иштирок намуданд
Оид ба стратегияи ҳамкории Тоҷикистон ва Корея машғулияти академӣ доир шуд
Лоиҳаи Қонуни Ҷумҳурии Тоҷикистон «Дар бораи бостоншиносӣ» баррасӣ гардид
